GENESIS 47:12 - Bawm Common Language Bible Version

¹² Josef nih, a pa leh a unau tla, a pa dâwngsung a lian a mê rang ding hen buh a pêk na.

GENESIS 47:12 ပူးပေါင်းရင်းမြစ်များ

GENESIS 45:10

Gosen ram ah nan um lai le, keimah naih ah, nang, na fa tla, na dawrâ tla, na kêl tla, na ranrual leh nan thilneih zawzawng hen.

GENESIS 45:11

Gosen ram ah nan um chun kan zauhkhenh kho na lai, pâm chu kum nga a um awt rih, nan dâwngsung leh nan neih tla an sungvâng lonâk ding hen” a ti.

GENESIS 45:7

Pathian nih nanmah leh nan thlâk tla thibang rangah humtu leh lampi chê siamtu ding hen hawng ka fial masa asi.

GENESIS 47:1

Josef chu a unau panga hen lalchem sinah an va kal rawh. Anih nih, “Ka pa leh ka unau tla an ranrual leh an dawrâ rual hen, an neih zawzawng hen an hawng. Tuah Gosen ram ah an um,” a ti.

GENESIS 47:21

Josef nih mipi tla chu Aigupta khatlei ram thawk hen a dawngh tiang hen sal ah a siam hep na.

GENESIS 47:24

Fâng zûn tikah anrang nga ṭhen hen anrang khat chu lal sinah nan pêk ding asi. A dang vial chu fachî rang leh nan dâwngsungkhur rangah si seh,” a ti.

GENESIS 50:21

Zeikhawm ṭih ding a um lo, nanmah leh nan fa tla hen kan zauhkhenh na lai,” a ti na. Churawhchun, hawlh kâ ṭha hen a simhfiang na mi nih chun thungâi an thinlung a purh.

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

ISAI 22:24

Sikhawmsele a rualsia tla leh a dang hen a thlei mi tla chu a rangah thilrit an si lai. Bêl leh khêng thîrling khenh lakah an thlâi mi hâwi hen an thlâi lai!

1 THESALONIKA 2:7

Nu nih nau a pawm mi a dâwt hâwi hen nan lakah nunnêm tak hen kan um dauh kha.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

1 TIMOTHE 5:4

Sikhawmsele, numei âuzawng nih fa mawh tu tla mawh nei sele, chubang tla nih chun anmah insung lei Pathian sunhsak hen um leh anmah ringtu tla tlûnah ṭha bâk na seh; chu chu Pathian lawmhkâng asi.

1 TIMOTHE 5:8

Sikhawmsele, âuzawng nih mah unau rualsia tla ruatkan lo hen, mah insungkhur mi men a ruatkan lo chun, lungnâk chu a pheh khalh le, lunglo mi tla ngâk hen a sual dauh asi.

RUTH 4:15

Na monu nih a nan dâwt le, fapa pasarih thilti ngâk a fâk hen thil a nan ti piak rawh. Tuah tupa a nan pêk le, anih nih nungnâk thar a nan pêk lai le, na tar leikângah thlangamnâk a nan pêk lai,” an ti.