GENESIS 46:3 - Bawm Common Language Bible Version

³ A sinah, “Kei, na pa Pathian kasi,” a ti. “Aigupta ah kal ding ṭih lah; chunah chun na thlâk tla chu phun rokual tak ah ka siam lai.

GENESIS 46:3 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 15:13

LALPA nih a sinah, “Na thlâk tla chu mi ram ah an um lai le, chunah chun sal an si lai le, kum zali nehsawh hen an um lai.

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 18:18

A thlâk tla chu an hawng rokual hen phun chak tak an hawng si lai le, amah ruangah phun zawzawng tla chu mal ka sâwm na lai.

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 35:11

Chun, Pathian nih a sinah, “Kei, Pathian chak zeizawng tikho kasi. Fa tam tak nei le, phun tla chu nangmah thawk hen thlâk mi si seh, nang chu lal tla thlâktu na si lai.

GENESIS 47:27

Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh.

GENESIS 48:16

Vânmifial, ṭihnungkâi zawzawngah hawng ka humtu nih malsâwm na seh! Hi ngâksia tla lakah hin ka pu Abraham leh Isak min chu um kumza seh! fa tam tak leh thlâk tam tak nei na seh,” a ti.

GENESIS 48:19

A pa nih a thusim chu a remti lo, “Ka theih asi, ka fapa, Manaseh thlâk khawm hi mi cherkhet an si awt asi. Sikhawmsele, a naupa hi a upa ngâk hen a lian dauh lai, a thlâk tla chu phun rokual tak an si lai.”

EXODUS 1:12

Sikhawmsele Aigupta mi tla nih Israel tla an nehsawh na bilik leh an pung zia a fâk dadauh. A nehnûn ah chun ram an khat rawh. Aigupta mi tla nih Israel mi tla chu an zenh na le,

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

JEREMIA 40:9

Gedaliah nih an sinah, “Babulon mi tla sinah va a pêk ding chu nan ṭih ding asi lo ti kan simh na. Hi ram ah um ule, Babulon lal rianṭuan ule, nan rangah zeizawng a tluang lai.

THILTI 27:24

‘Pawl ṭih lah, Kaisar mâika ah na dîr ding asi; chun, ngâinik, lawng lakah na sinah kal mi zawzawng tla khawm Pathian nih a nan pêk,’ hawng ka ti asi.

THILTI 7:17

“Chun, Pathian nih Abraham sinah thu a tiamh mi tik kha a hawng tlung awt hen Aigupta ram ah kan minung tla chu an hawng pung le, an hawng tam dadauh.

DEUTERONOMY 1:10

LALPA, nan Pathian nih chun vân ah ârfi zat hen an tamtir na rawh.

DEUTERONOMY 10:22

Aigupta ram ah a nan thlâk natu tla an kal liau chun sâwmsarih cho an tling. Tu lam chun LALPA nan Pathian nih vân ah ârfi zat an pungtir na rawh.

DEUTERONOMY 26:5

Churawhchun, LALPA mâika ah hi bang thu tla hi nan sim ding asi: ‘Hawng ka thlâktu chu Aramean mi mivâi asi le, ramdang minung dawrnâk nei lo mi asi, um ding hen a dâwngsung tla Aigupta ram ah kalpitu asi. An kal liauah chun minung tâwmtê an si, sikhawmsele, phun rokual leh thiltikho tak an hawng si rawh.