GENESIS 43:9 - Bawm Common Language Bible Version

⁹ Keimah nih ka nungnâk pêk hen thu ka tiam lai, a thihnâk ruangah a mawh chu keimah nih ka phurh lai. Him tak leh dam ziar hen ka hawng kîrpi lo asi chun, keimah tlûnah mawhnâk um kumza seh.

GENESIS 43:9 ပူးပေါင်းရင်းမြစ်များ

GENESIS 31:39

Dawrâ tla ramsa nih a seh zâwn khawm ah keimah mawh asi kumza, kei mawh asi lo ti an zauhtir ding hen veikhat khawm ka hawng put dah loh. Sûn khawm ah zân khawm ah an fîr khawmsele rulh nawlh ding hen na ka êng tâwn.

GENESIS 42:37

Reuben nih a pa sinah, “Benjamin na sinah ka hawng kîrpi lo bâk chun, ka fapa panih na thah kho lai, keimah kut lakah ap le, ka hawng kîrpi nawlh ngelchel lai,” a ti.

GENESIS 43:10

Amah ngâk ko lah sele chu a veinihnâk khawm kan hawng tlung nawlh ving lai rawh,” a ti.

GENESIS 9:5

Âuzawng nih mi a thah chun rêp asi lai. Ramsa zeital nih minung a thah chun thihnâk hen kei khawm nih ka rêp lai.

2 SAMUEL 14:9

Anih nih chun, “Bâwipa, na ruat mi zawzawng chu kei leh ka dâwngsung nih a mawh chu kan phurh lai, nang leh na lalchem dâwngsung lak chun a mawh um lah seh,” a ti.

1 Lal 1:21

Chu hâwi hen na ti lo hen na thi beibang chun kei leh na fapa Solomon chu perpettu ah ngaih kan si awt,” a ti.

JOB LASUIBU 17:3

Zumhkâi tak hen ka um le, Pathian, ka thu pawm. Ka thusim lakah hawng ka ṭangpitu ding âukhawm an um lo.

SAM 119:122

Na to-aw ṭangpi ding hen thu tiamh le, mi duhlei nih nâuneh leh zauhnawmh hen hawng ka umtir lah.

EZEKIEL 3:18

Misual chu a thi ding asi ka ti mi lakah, nangnih rim ding hen leh a nungnâk hum ding hen na simh lo hen misual si bû hen a thi asi chun, a thihnâk mawh chu nangmah kan phurhtir awt.

EZEKIEL 3:20

“Mi ṭha nih thilsual a hawng ti palh hen, ṭihnungkâi mun ah ka siah liauah nangnih nun na simh lo chun a thi lai. A sual ruangah a thi lai le, a thil ṭha ti chu ka theih awtlo, a thihnâk mawh chu nangmah tlûnah ka thâng lai.

EZEKIEL 33:6

Sikhawmsele vêngtu nih mêlma a hawng mi muh ko na hen rihâu a suah lo chun, mêlma a hawng mi nih chubang misual tla a thah na chun an thi mi tla ruangah vêngtu tlûnah mawhnâk ka thâng awt.

EZEKIEL 33:8

Misual chu thi ding asi ka ti mi lakah nung ding hen a umdân lêt ding hen na simhkan lo hen sual si bû hen a thi chun, a thihnâk mawh chu nangmah tlûnah ka thâng awt.

LUK 11:50

Chuvachun, Abel thisen suak thawk hen Zekaria, mâichâm leh biakin karah thah mi thisen suak tiang khan, khuavâng zawzawng thisen, tual um tîr thawk hen suak mi chu, tûliau san mi tla tlûnah hin phû an lam kho lai,’ a ti kha. Ka nan simh na, tûliau san mi tla tlûn khawm hin phû an lam lai.

HEBRAI 7:22

Chu hâwi ber a dang dauh hen Jisu chu thudântuk ṭha dauh birhtirtu a hawng si rawh.