GENESIS 43:8 - Bawm Common Language Bible Version

⁸ Juda nih a pa sinah, “Na fa lam hawng kan zûltir ko, kan kal sawm ko lai hi; chu tikah sungvâng hen kan thi lai lo.

GENESIS 43:8 ပူးပေါင်းရင်းမြစ်များ

GENESIS 42:2

Aigupta ram ah fâng a um ti ka theih; sungvâng hen kan thih lonâk ding hen chunah chun va châwk u,” a ti na.

GENESIS 42:38

Sikhawmsele, Jakob nih, “Ka fapa lam chu nan kalpi kho ding asi lo, a upa tâ nih a thi rawh, amah tê lâwng a dam mi, lampi ah tawnglo ai tawng kho. Kei tâ nih ka tar rawh, lawksawng hen nan hawng ka thah awt,” a ti.

GENESIS 44:20

Kannih nih, ‘Pa tar tak kan nei, kan nau pakhat a tar nûnah a ring mi a um. Chu unaupa chu a thi lak, nu pakhat fa lakah a dam mi chu amah pakhat cho asi; kan pa nih amah chu thungâi a dâwt,’ kan ti.

GENESIS 44:26

‘Kan nau a tlum chem mi a hawng tik cho ah kan kal kho lai,’ ti hen kan sâng.

GENESIS 45:19

An nupi le, an fa tla, an pa leh a sinah um mi putnâk ding hen Aigupta ram ah kari tla hi put ding hen simh na.

GENESIS 50:21

Zeikhawm ṭih ding a um lo, nanmah leh nan fa tla hen kan zauhkhenh na lai,” a ti na. Churawhchun, hawlh kâ ṭha hen a simhfiang na mi nih chun thungâi an thinlung a purh.

GENESIS 50:8

A dâwngsung tla, a unau tla, a pa dâwngsungkhur zawzawng khawm a sinah an kal bâk. Gosen ram ah an fa tetê leh an dawrâ tla, kêl tla ranrual vial an um.

2 Lal 7:13

A rianṭuantu lakah pakhat nih, “Hi khuapi mi minung tla hi zeitin tal khawm hen kan vân a duai mi rerêng rawh, a thi chia hâwi ko rawh. Churuangah rang tlûnah to mi minung panga kan fial lai le, chu tikah thil zei hâwi a hawng um mi kan theih kho lai,” a ti.

2 Lal 7:4

Khuapi sungah va lût khawmsele, zeikhawm a ṭhatvaknâk a um lo, kan lût khawmsele sungvâng hen kan thi ding nget, hinah kan um ko khawm ah kan thi ding fâwn, churuangah Siria tla riakmun ah kan kal ko lai, an duh chun hawng kan thah seh, an duh chun hawng kan zuah na seh,” an ti.

Ezra lasuibu 8:21

Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

SAM 118:17

Ka thi lai lo, chu ngâk hen ka nung hen LALPA thilti ka phuang lai.

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

NUMBER 14:31

Nan fa tla tleih an siding hen nan ruat le, sikhawmsele nan duh lo mi ram ah chun Keimah nih ka kalpi na lai le, an umnâk ram asi lai.

DEUTERONOMY 33:6

Mosi nih Reuben phun thu a sim: “Reuben chu an minung tla tâwm khawmsele a thi dah lai loh,” a ti.