GENESIS 43:30 - Bawm Common Language Bible Version

³⁰ Churawhchun, Josef chu mawhsareh hen a kal ving, a naupa ruangah a thinlung a fâk tuktarâi ruangah a kek awt. Churawhchun, a pindan sungah a va kal le, a ṭap rawh.

GENESIS 43:30 ပူးပေါင်းရင်းမြစ်များ

GENESIS 42:24

Josef nih a kaltâk na le, a va ṭap. Hawlh kho ding hen â ruat rawh chun, an sinah a hawng nawlh le, Simeon chu a tleih le, an mâika ah rêng a khimh.

GENESIS 45:2

Hâu suah hen a ṭap le, Aigupta mi tla nih an theih le, a thâwngthâng chu lal umnâk ah an va sim.

GENESIS 46:29

Josef chu kari tlûnah â chuan le, a pa hen va a tawng ding hen Gosen ram ah a kal rawh. Anna tawng kâ hen Josef nih a pa a kuah le, sawt tak anna tawng lo mi asi ruangah a ṭap.

1 Lal 3:26

A nu tak asi mi nih a fapa zângfahnâk hen a khat le, lalchem sinah, “Bâwipa, zângfahtê hen thah rîlmâl lah! Amah rangah pêk ko!” a ti. Pakhat nih chun, “Kan panih hen a zei mi khawm hawng kan tingtir lah, kal le, tan nih hen suah ko,” a ti.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

THILTI 20:19

mi tangah dawnh bû hen leh Juda tla nih an hawng ka phiar ruangah mitthli tlâk leh thil hamhkâi ka tlûnah a hawng um mi tuar bû hen Lalpa rian ka ṭuan tâwn kha.

THILTI 20:31

Churuangah ruat tet u; kum thum thlo mitthli tlâk bû hen, a sûn a zân hen mikip nunsimh ka bâng lo kha, theihkumza u.

THILTI 20:37

Chun, an ektê hen an ṭap chiam le, an ir leh Pawl ir tawnh hen anna châwchawk chiam le,

PHILIPI 1:8

Krist Jisu siherhnâk ah chun nan ektê hen ka nan ngâi na zia chu Pathian hawng ka theihpitu asi.

PHILIPI 2:1

Chun, Krist ah ṭangpinâk rerêng, zângfahnâk ah lungngamnâk rerêng, Thlarau kawhnâk rerêng, siherhnâk leh zângfahnâk rerêng tla a um chun,

KOLOSA 3:12

Chun, Pathian mi thîm, mi thenhlimh leh duhtak tla hâwi hen siherhnâk thinlung tla, vêlneihnâk thinlung tla, ngâiniamnâk tla,

2 TIMOTHE 1:4

Na mitthli tlâk tla ka theihkumza le, lâwm a khat hen ka um khonâk ding hen muh ding thungâi ka nan duh asi.

1 JOHAN 3:17

Âuzawng laikulh sum leh pâi nei hen, a unau samphâng hen muh sele, anih chu ṭangpi lah sele, Pathian zângfahnâk chu amah lakah zeitin a um lai?