GENESIS 43:23 - Bawm Common Language Bible Version

²³ To-aw nih, “Nan lawksawng lah u, ṭih lah u, nan pa Pathian nih nan vûitun lakah a nan siah piak na mi ma chu a! nan tangka chu ka tawng hei,” a ti. Churawhchun, Simeon chu an sinah a kalpi.

GENESIS 43:23 ပူးပေါင်းရင်းမြစ်များ

GENESIS 42:24

Josef nih a kaltâk na le, a va ṭap. Hawlh kho ding hen â ruat rawh chun, an sinah a hawng nawlh le, Simeon chu a tleih le, an mâika ah rêng a khimh.

GENESIS 42:28

“Ka tangka hawng ka khirh ving hi,” ti hen a unau tla a simh na. “Hi ka vûitun lakah hin hi!” a ti le, an thinlung chu veikhat ko ah a lâu khit le, “Pathian nih hi hâwi hen hawng kan ti aw?” ti hen lâu bû hen anna sâwn.

GENESIS 42:36

An pa nih an sinah, “Fa lo hen siah ding nan ka awt mu? Josef tâ nih a vei rawh, Simeon khawm a um lo rawh, tuah Benjamin lâk ding nan awt fâwn; tuar marua rerêng kasi ko,” a ti.

GENESIS 43:14

Zeizawng tikho Pathian nih lâirêltu dâwt hen an umtir na seh, chu tikah Benjamin leh nan unau dang khawm nan sinah hawng kîr bâk ding hen. Kei lam nih chun ka fa le thlâu ding asi chun ka thlâu ko lai ma chu,” a ti.

GENESIS 43:22

Tangka dang khawm tam dauh kan hawng put, fâng tam dauh châwk ding hen. Âunih dek tangka kha kan vûitun ah an khumh kan theih loh,” an ti.

1 CHRONICLES 12:18

An lakah a nehnûnah “Sâwmthum” hotu lakah um mi pakhat Amasai chu Pathian thlarau nih a hawng luah le, “Jese fapa David, na tâ kan si! Nangmah sinah Pathian a um mi an ṭangpitu nih dingchangnâk an pêk seh!” ti hen a âu. David nih annih chu a lawmh na le, a kawrsen lakah hotu ah a siam na.

1 CHRONICLES 12:19

Manaseh phun lakah mi kawrsen zeimaw mi tla chu David leh Philistia mi tla nih lalchem Saul do ding hen an kal liauah David murui sinah an kal. Philistia mi chu a ṭangpi na lo, lalchem Saul chu a lânah amah hotu asi ruangah, amah leiah â ṭângṭawm lebang lai ti an lal tla nih an ṭih ruangah David chu Ziklak khua leiah an kîrtir.

Ezra lasuibu 4:17

Lal nih sângnâk lasui a kuat: “Lâirêltu Rehum, Simsai, ram bial laisuirîntu leh an hâwi tla Samaria ram leh Eufretis ram zawzawngah um mi tla chibai kan bûk na asi.

LUK 10:5

Chun, in nan lûtnâk kip ah a masa chem hen, “Hi in ah hin lungngamnâk tlung seh,” ti u.

LUK 24:36

Chun, chubang thu chu an sim liauah chun amah ngelchel chu anmah lakah a hawng dîr le, an sinah, “Nan tlûnah lungngamhnâk um seh,” a ti.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

JOHAN 20:19

Chun, chu ni, ni sarih ni masa chem ah, zânleibâi ah, Juda tla ṭih ruangah ṭhiruai tla umnâk inkhâr tla chu an khâr nûn chun, Jisu an lakah a hawng dîr le, an sinah, “Nan tlûnah lungngamnâk um seh,” a ti.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

JOHAN 20:26

Chun, ni riat nûnah, a ṭhiruai tla chu in sungah an um nawlh le, Thom khawm an sinah a um bâk. Jisu a hawng kal le, inkhâr tla chu khâr asi le, an lakah a hawng dîr rawh le, an sinah, “Nan tlûnah lungngamnâk um seh,” a ti.

LÂIRÊL 19:20

Tarpa nih, “Ka in ah hawng u! Keimah nih kan zauhkhenh na lai; khua lâi ah chun riak lah u,” a ti.

LÂIRÊL 6:23

Sikhawmsele LALPA nih a sinah, “Lungngam tak hen um le, ṭih lah, na thi lai lo,” a ti.

1 SAMUEL 25:6

Nabal sinah thusim ding a chah na le: “David nih ka hâwipa, a dâwngsung tla leh a sinah um mi zawzawng chibai ka bûk a nan ti,” an ti.