GENESIS 43:11 - Bawm Common Language Bible Version

¹¹ An pa nih an sinah, “Chu hâwi a si rawh mi chu zeitin kan ti lai, asi chun, hi ram ah a um mi thil ṭha chem hi nan vûitun lakah râwn ule, governor chu lâwmman rangah pêk u; thingthlîng turpâng tâwm, khuaitizû tâwm, rimthâw, pistachio leh almon.

GENESIS 43:11 ပူးပေါင်းရင်းမြစ်များ

GENESIS 33:10

Jakob nih, “Silo, zângfahtê hen na thinlung ka tawng tak mi asi chun ka thilpêk hi lâk rawh,” a ti. Na mêl muh hi Pathian mêl muh tluk hen ka ruat, tuah hi tluk hen ka lakah na ṭha.

GENESIS 37:25

Buh an ei liau chirah, Ismael murui, Gilead ram thawk hen Aigupta ram ah kal ding mi an muh sawm. An sangâwngsâu tla chu rimthâw leh thing thlîng turpâng an phurhtir na.

GENESIS 43:10

Amah ngâk ko lah sele chu a veinihnâk khawm kan hawng tlung nawlh ving lai rawh,” a ti.

GENESIS 43:14

Zeizawng tikho Pathian nih lâirêltu dâwt hen an umtir na seh, chu tikah Benjamin leh nan unau dang khawm nan sinah hawng kîr bâk ding hen. Kei lam nih chun ka fa le thlâu ding asi chun ka thlâu ko lai ma chu,” a ti.

GENESIS 43:15

Unau rual tla chu thilpêk ding mi lâwmman leh tangka a lehnih leh Benjamin chu an put le, Aigupta ram leiah chun an kal nawlh rawh. Josef sinah chun an va pêk rawh.

GENESIS 43:25

A sinah buh ei ding hen a simh na ruangah, Josef sûn ah a hawng tikah lâwmman pêk ding tla an timhtuah zet.

GENESIS 43:26

Josef a hawng tleng rawh chun lâwmman chu a sinah an kalpi le, a mâika ah kûn hen mâi an mûk.

1 Lal 10:15

Sawlehtu tla nih an lâwk mi pêk mi, Arabia ram lal tla leh Israel hotu tla bial ah mi nih siah an pêk mi siarlo hen.

1 Lal 10:25

A hawngtu kip nih thilpêk tla, tangka, ngûn, kawrfual, râlthuam, rimthâw, rang tla leh sanatung tla an hawng pêk; chubang tla chu kum siar hâwi asi.

1 Lal 15:19

“Kan pa tla anna tlâi hâwi hen kanna tlâi lai. Hi ngûn leh tangka hi lâwmman rangah ka nan pêk asi. Tuah Israel lalchem Baasha hen nanna tlâinâk kha sah phak. Ka ram sungah a kawrsen tla hi a suaktir kho na ding hen,” a ti.

1 Lal 4:21

Solomon lalram chu Eufretis tiva thawk hen Philistia ram leh Aigupta ramri tiang asi. A damsung zawzawng chu a sinah siah an pêk le, amah tangah an um hep.

2 Lal 16:8

Ahaz nih Biakin ah mi leh lal in ah mi tangka leh ngûn a lâk le, lal lianchem Tiglath Pileser sinah a kuat.

2 Lal 20:12

Chu liau chun Babulon lalchem Baladan fapa Merodak Baladan nih Hezekiah a dam lo ti a theih le, lasui leh lâwmman a kuat.

2 Lal 8:8

lal nih a rianṭuantu pakhat Hazael sinah “Khuavâng rangah lâwmman put piak le, dam ding kasi awt ma si awtlo, LALPA sinah hawng ka deih piak ding hen simh,” a ti.

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

SAM 68:29

na mang mi na thiltikhonâk chu zauhtir.

SAM 72:10

Spain ram lal tla leh tikulh ah um mi tla nih thilthawt an pêk lai le, Arabia leh Ethiophia ram mi lal tla nih thil ap ding an hawng put lai.

SAM 76:11

LALPA na Pathian rangah na tiamh mi chu pêk rawh; a kiangkam ah phun zawzawng tla a sinah thilpêk hawng put u. Pathian nih minung tla amah ṭih ding hen a siam na;

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

THUFING LASUIBU 17:18

Mi theihnâk nei lo mi cho nih midang leibat lakah rulh ding hen thu a tiam.

THUFING LASUIBU 18:16

Mi pawimawh tak hen tawng ding na duh ma? Lâwmman pêk le, awl tak hen nanna tawng kho lai.

THUFING LASUIBU 19:6

Mikip nih mi pawimawh nih sunhsak hen um an duh le, mi sunhsak mang tla hâwikawmh siding hen thu an sim.

THUFING LASUIBU 21:14

Na lakah âumawh a thinthawk chun, a thup hen thil zeimawh pêk le, chu nih a rehtir lai.

LA TLA LA 4:10

Ka nupi leh thinlung tum, na ka dâwtnâk nih hawng ka lawmhtir. Na ka dâwtnâk chu uain ngâk hen a ṭha dauh; na rimthâwtnâk chu rimthâw dang zawng ngâk hen a thaw dauh.

LA TLA LA 4:14

safron, calamus leh cinamon rimthâw chi kip a um. Chunah chun murrah leh aloe, rimthâw chem zawzawng tla a kho.

LA TLA LA 8:14

Hawng ka dâwttu, rimthâw khonâk tlângah sazuk leh sakhi chal tuai hâwi hen ka sinah hawng rawh.

JEREMIA 8:22

Gilead ram ah turpang a um lo men maw? Chunah chun daktawr an um lo na maw? Chu hâwi asi chun, zei rangah ka mi tla an dam dahlo rih?

EZEKIEL 27:15

Rodes mi tla hen saw nanna leh tawnh le; ram tam tak mi tla nih na thil thlengnâk ding ah sâi hâ leh eboni thing tla a nan pêk.

EZEKIEL 27:17

Juda leh Israel nih na thil man rang ding ah wheat, khuaitizû, oliv sariak leh thil rimthâw an pêk.

EZEKIEL 27:22

Na thil-le-rî tla chu Seba leh Raamah ah sawlehtu tla nih lungmantam tla, ngûn leh rimthâw ṭha chem mi tla hen an thleng.

LEVITICUS 20:24

Sikhawmsele, hi ram ningno leh neihnâk hi nan tâ siding hen thu kan tiamh na, nan rangah kan pêk na awt asi. Kei, LALPA nan Pathian kasi, phun dang lakah mi a dang hen kan thlei na mi nan si.

THILTI 21:14

Chun, lêm kho asi lo nûnah chun, “Lalpa thu thu si seh,” kan ti le, kan bâng rawh.

DEUTERONOMY 33:14

An ram chu nî sa lakah a min mi theirah hen malsâwm hen um seh; A tik kip ah rah ṭha chem hen tam tak hen rah seh.

1 SAMUEL 25:27

Zângfahtê hen Pu, lâwmman ka nan put piak mi hi hawng ka lâk piak le, na mi tla rangah pêk na.

1 SAMUEL 9:7

Saul nih, “A sinah kan va kal chun zei kan pêk lai?” a ti. “Kan sâwngkhâwi lakah ei ding buh khawm a um lo rawh, amah pêk ding zei thil khawm kan nei lo asi lo ma?” a ti.