GENESIS 42:27 - Bawm Common Language Bible Version

²⁷ Zân ah an riaknâk ah minung pakhat nih a sanatung râwl pêk ding hen a vûitun a sût le, vûitun ah mi fâng tlûnah tangka a muh.

GENESIS 42:27 ပူးပေါင်းရင်းမြစ်များ

GENESIS 24:25

“Kan in ah fabû tam tak leh ran râwl a um, nan riaknâk ding hen mun khawm a um” ti hen a sâng.

GENESIS 42:26

Chun, annih nih chun an fâng chu an sanatung tla an phurhtir na le, an kal rawh.

GENESIS 42:35

Chun, an vûitun chu an bungh le, mikip nih an vûitun lakah tangka an tawng; chu tangka chu an muh rawh chun an pa Jakob hen thungâi an lâu.

GENESIS 43:18

A in ah an kalpi na rawh chun, an ṭih le anna dawn thlo, “In ah hawng kan kalpi mi hi kan hawng tîr liauah kan sâwngkhâwi sungah tangka hawng kan khirh mi ruangah asi lai. Mawhsareh hen hawng kan dêng khup lai le, kan sanatung tla an lâk ver lai le, a sal ah hawng kan siam ding ko rawh,” an ti.

GENESIS 44:11

Mawhsareh hen an vûitun chu an ṭhumh rang le, mikip nih mah vûitun chiau an awng.

EXODUS 4:24

Aigupta ram leiah kalnâk lampi riaknâk mun ah LALPA chu Mosi hen anna tawng le thah a tum.

LUK 10:34

A sinah a va kal le, a liam mâ lakah chun sariak leh uain a tawih le, a tuam le, a sa tlûnah a chuanh le, khual tlungnâk in ah a kalpi le, a bulsân rawh.

LUK 2:7

Chun, a fa tîr ah mipa a ring le; chun puan hen an tuam le, khual tlungnâk in ah mun a um lo ruangah ran râwl pêknâk khêng ah an ittir.