GENESIS 42:21 - Bawm Common Language Bible Version

²¹ “Tuhin hi bang kan tuar mi tla hi kan nau tlûnah kan thilti diklo tla kan lakah a hawng tlung mi asi hi, anih nih a lawksawng liauah hawng kan ngiar ṭualmâl liau khawm ah ngaih-lo-lêm kan thlâk piak thlo. Churuang tak ma hi tuah nawknâk leh lawksawngnâk kan tawng mi hi,” ti hen anna ruah.

GENESIS 42:21 ပူးပေါင်းရင်းမြစ်များ

GENESIS 41:9

Churawhchun, uain pêktu nih lalchem sinah, “Thil ka palh mi tusûn ni ah sim ding a suak.

GENESIS 44:16

Juda nih “Pu, na sinah zei thu me kan sim kho lai rawh? Zeitin kan âwl kho lai? Zeitin kanna lît kho lai rawh? Pathian nih kan sualnâk a langh rawh ma hi, hâi nan tawngnâk minung cho silo hen kan ektê hen na sal kan si hep rawh,” a ti.

GENESIS 45:3

Josef nih a unau tla sinah, “Kei hi Josef kasi, ka pa chu a dam ko rih bei ne?” a ti. Sikhawmsele, a unau tla chu an lâu tuktarâi le, an sâng kho lo.

GENESIS 50:15

Josef unau tla nih an pa thih nûnah chunah chun a unau le nih, “Josef rangah nganfâk kan pêk mi ruangah hawng kan hua lai le lawhbâ hawng kan sam lai dahmawh,” an ti,

2 SAMUEL 12:13

David nih Nathan sinah “LALPA tlûnah thilsual ka ti ngâk asi,” a ti. Nathan nih, “LALPA nih a nan ngaihdam rawh, na thi lai loh.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

THUFING LASUIBU 21:13

Mipâm tla ṭap hâu ngâi ding na duh lo mi asi chun, na âu hâu mi âukhawm nih an ngâi piak lai lo.

THUFING LASUIBU 28:17

Mi thahtu chu chelh rî hen amah thlân chawhtu asi. Thloh rîlmâl lah.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 34:17

Churuangah tuah Kei, LALPA nih, ka thu nan ngâilo ti ka sim asi: nan hâwi Israel rangah thawsuaknâk nan pêk na lo. A ṭha ma chu, asi chun, thawsuaknâk ka nan pêk na lai: râltuknâk, râi, pâmnâk lakah thi ding mi thawsuaknâk chu. Nan lakah thil ka ti mi hen laikulh phun kip ka lâutir na awt.

JEREMIA 4:18

Juda, nangmah umdân leh thil na ti mi hen, nangmah tlûnah hi hi na tlungtir mi asi. Na sualnâk nih hi tuarnâk hi a umtir hen na thinlung a sunh asi.

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

NUMBER 32:23

Sikhawmsele, nan thutiam hâwitê nan tilo chun LALPA lakah thilsual nan ti mi asi ti ka nan simh na. Chu thu lakah chun palhrahnâk nei lah u; nan sual ruangah rêp nan tawng lai.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

MARK 9:48

mit khiang khinih nei hen Gehena ah an tholung thih lonâk ah leh mei mit kho lo ah lawnh ngâk chun, mit khiang khat nei hen Pathian Ram ah lût na rangah a ṭha dauh.

LUK 16:28

Unau panga ka nei ruangah; hi nganfâknâk mun ah hin an hawng kal lebang lai, semsê ngâi tak hen simh na seh,’ a ti.

THILTI 19:18

Chun lungtu tam tak an hawng kal le, an thilti tla chu thutluang an vâwr le, anna phuang rawh.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.