GENESIS 41:52 - Bawm Common Language Bible Version

⁵² “Pathian nih ka lawksawngnâk ram ah fa tla hawng ka pêk,” a ti le, a fapa panihnâk chu Efraim a sak.

GENESIS 41:52 ပူးပေါင်းရင်းမြစ်များ

GENESIS 17:6

Thlâk tam tak ka nan pêk lai le, an lakah zeimaw mi chu lalchem an si lai. Thlâk tam tak na nei lai le, phun tla an hawng si lai.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 41:51

Josef nih, “Pathian nih ka tuarnâk zawzawng leh ka pa dâwngsung zawzawng hawng ka philhtir rawh,” a ti le; a fapa tîr min ah chun Manaseh a ti.

GENESIS 41:53

Kum sarih tî-le-râwl pûtnâk ruangah anna lâwmnâk chu a dawng rawh le,

GENESIS 48:1

Chu nûnah chun Josef chu a pa a damlo ti an simh. Churawhchun, a fapa panih Efraim le Manaseh chu a pa va zauh ding hen a kalpi na.

GENESIS 48:14

Sikhawmsele, Jakob nih a bân chu a kalhkeh le, ngâksia dauh si khawmsele a vawrhlei chu Efraim lû tlûnah a thâng, a kehlei chu a upa dauh mi Manaseh lû tlûnah a thâng.

GENESIS 48:5

Jakob nih a thusim chu a pehpar vima, “Josef, na fapa panih hi ram ka hawng lânah an suak mi chu ka tâ an si; Efraim leh Manaseh chu ka fapa Reuben leh Simeon hâwi an si.

GENESIS 49:22

“Josef chu tinungva mi ram sanatung hâwi asi le, Pangdâr ah ram sanatung fa hâwi hen.

GENESIS 50:23

Josef nih chun Efraim fa tla leh a tusîn tla a muh na. Manaseh fapa Makir fa le tla khawm a muh.

AMOS 6:6

Uain chu hâi khat dil hen nan din le, rimthâw ṭha chem nan mang le, sikhawmsele Israel tla siatnâk thu ah lungfâknâk nan nei lo.

NUMBER 26:28

Fapa panih Manaseh leh Efraim pa Josef phun.

THILTI 7:10

A hamh tuarnâk zawzawngah a sanh vima, Aigupta lalchem Pharoa khawm a zângfahtir le, mifing tak asi ti a theihtir. Chun, anih nih chun Aigupta ram leh a in ah minung zawzawng tlûnah hotu ah a siam rawh.

JOSUA 16:4

Josef thlâk tla, Efraim phun tla leh thlanglei mi Manaseh thlâk tla nih hi ram hi an tâ ding hen anna ting.

JOSUA 17:1

Jordan Va thlanglei ram chu Josef fapa upachem mi Manaseh thlâk tla dâwngsungkhur rangah ruat asi. Makir, Gilead pa chu Manaseh fapa upachem asi, amah chu kawrsen râlṭha asi le, churuangah Gilead leh Basan, Jordan saklei chu a rangah pêk asi.

1 SAMUEL 1:20

Churawhchun, a râi le, fapa a ring. A min ah Samuel a sak. “Amah ruangah LALPA ka ngiar mi asi,” a ti le, a simhfiang.