GENESIS 41:40 - Bawm Common Language Bible Version

⁴⁰ Kan ram ah thuneitu ah ka nan siam lai le, ka mi zawzawng nih na thu an ngâi lai. Thuneihnâk leikângah chun keimah sangtu na si lai.

GENESIS 41:40 ပူးပေါင်းရင်းမြစ်များ

GENESIS 39:9

Amah hen bang cho hen hi in ah hin thuneitu ah hawng ka siam, nangmah cho lo chu ka kut ah ap lo mi zeikhawm a um lo, zeitin kha bang hâwi thil diklo ti hen Pathian tlûnah thilsual ka ti kho lai?” a ti.

GENESIS 44:18

Juda chu Josef sinah a va kal le, “Pu, zângfahtê hen na sinah thusim ding hawng ka pêk, ka lakah thinrun lah le; nang chu lalchem tluk na si.

GENESIS 45:26

An pa sinah, “Josef chu a dam ko rih! Aigupta ram lâirêltu asi!” ti hen an simh. Jakob chu a â thlo, a lung rerêng na lo.

ESTHER 10:3

Juda mi Mordekai chu lal Zerzes sangtu mun ah siah asi. Juda tla nih Mordekai chu an zah ver. A mi tla rangah ṭhatnâk leh himnâk ding hen rian a ṭuan.

ESTHER 3:1

A nehnûn chun lalchem Zerzes nih minung pakhat Haman chu mun sângah lâirêltu lian sinâk a pêk. Haman chu Agag thlâk Hammedatha fapa asi.

JOB LASUIBU 31:27

Anmah zah leh châwchawk hen, ṭih ruangah mahlo leikângah, ka pial dahlo.

SAM 2:12

thir bû hen amah chu mâimûk u, chu lo chun a thinthawk sawm lai le, nan thi chawlh lai. Amah hum ding hen a sinah kaltu chu an lâwptlo.

THUFING LASUIBU 22:29

Rian ṭha ṭuantu minung chu hawng ka muhtir le, kei khawm nih lal hâwikawmh rangah tlâk mi ṭha chem ngâk a ṭha dauh mi minung ka nan muhtir lai.

DANIAL 5:29

Mawhsareh hen Belsazar nih a to-aw tla sinah Danial rangah lal puan senduk thuamh hen a ngâwng ah ngûn chikchîn awih ding hen thu a pêk na. Chun a lalram sungah thuneitu lakah pathumnâk ah a siah.

DANIAL 6:3

Danial chu midang zauhkhenhtu mawh governor tla ngâk hen a rianṭuan ṭha dauh hen a lang, midang ngâk hen muisung dauh hen a um ruangah lal nih ram pumpi ah thuneitu dauh hen a ruat.

THILTI 7:10

A hamh tuarnâk zawzawngah a sanh vima, Aigupta lalchem Pharoa khawm a zângfahtir le, mifing tak asi ti a theihtir. Chun, anih nih chun Aigupta ram leh a in ah minung zawzawng tlûnah hotu ah a siam rawh.

1 SAMUEL 10:1

Samuel nih oliv sariak dûr a lâk le, Saul lû lakah a tawih le, a châwchawk le, “LALPA nih Israel mi tla lâirêltu ah sariak a nan thuh. A mi tla lakah lâi na rêl lai le, an mêlma tla lakah na hum na ding asi. Hi nih hin a mi le tla lâirêltu ding ah LALPA nih a nan thîm mi na si ti a theihtir: