GENESIS 41:25 - Bawm Common Language Bible Version

²⁵ Josef nih lalchem sinah, “Mang panih chu anna bang cho asi. Pathian nih thil a ti awt mi an simh mi asi.

GENESIS 41:25 ပူးပေါင်းရင်းမြစ်များ

GENESIS 40:8

Annih nih, “Kan panih hen mang kan nei veve le, chu mang chu hawng kan simhfiangtu pakhat khawm an um lo ruangah,” an ti. Josef nih, “Mang simhfiangnâk pêk khotu chu Pathian asi, nan mang chu hawng ka simh ko u me,” a ti.

GENESIS 41:16

Josef nih a sâng le, “Pu, kei nih tikho mi asi loh, sikhawmsele Pathian nih sunhsak tak hen a simhfiang lai,” a ti.

GENESIS 41:26

Chawpinu pasarih a bit mi chu kum sarih asi, favûi â lawmh tul mi khawm chu kum sarih ber asi, a umzia â bang cho.

GENESIS 41:28

Ka nan simh mi hâwi khan Pathian nih thil a ti awt mi a nan muhtir mi asi.

GENESIS 41:32

Mang na manh nawlh mi chu Pathian ruat chia sâwtlotê ah a hawng tlung ding mi chu asi,” a ti.

SAM 98:2

LALPA nih a nehnâk chu a phuang! A thiltikhonâk hen ruang a suahnâk chu phun tla a theihtir.

EXODUS 9:14

Tutan mi chu na rianṭuantu leh na minung tla lâwng ka rêp awtlo le, nangmah khawm kan rêp awt, chu tikah kei hâwi hi âukhawm laikulh ah an um lo ti na theih lai.

ISAI 43:9

Niknâk ah hawng ding hen phun tla kawh na u. An pathian tla lakah a zei mi nih mâilei thu simkanh kho? Tuah thil a hawng tlung mi hi an lakah âunih a simkan? Hi bang pathian tla hi an dik ti theih ding hen anmah theihpitu ah hawng put na seh, an thusim a dik ti birhtir ding hen.

DANIAL 2:45

Âu tawngh tham lo hen lung a beuh le, a hawng rîl mi nih milem, thîr, dâr, valei, tangkasa, ngûn hen siam mi a denh mi na muh. Pathian rokual nih hi nûnthâi ah thil a hawng tlung ding mi nang lal rangah a nan simh mi asi. Na mang na manh mi tak leh a simfiangnâk chu ka nan simh hen ka nan pêk rawh asi,” a ti.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

MATHAI 24:40

Chu tikah chun, lo ah minung panih an um lai le, pakhat chu kalpi ving hen a um lai le, pakhat chu mâk hen a um lai.

MARK 13:23

Nannih lam chu a thiamthih u, zeizawng ka nan simhkan na rawh hi.

JOSUA 11:6

LALPA nih Josua sinah, “Annih tla chu ṭih lah na. Thâituan tu tik ding ah hin Israel tla ruangrûl ah Keimah nih ka thah na hep awt. An rang tla nan khêngtir na lai le, an kari tla nan duah ver lai,” a ti.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.