GENESIS 41:16 - Bawm Common Language Bible Version

¹⁶ Josef nih a sâng le, “Pu, kei nih tikho mi asi loh, sikhawmsele Pathian nih sunhsak tak hen a simhfiang lai,” a ti.

GENESIS 41:16 ပူးပေါင်းရင်းမြစ်များ

GENESIS 37:14

A pa nih a sinah, “Na unau leh an dam mawh, ranrual tla an him ma va zauh le, hawng kîr nawlh le hawng ka simh,” a ti. Hebron Vakuam thawk hen a pa nih a fial rawh. Josef chu Sekem a va tleng le,

GENESIS 40:8

Annih nih, “Kan panih hen mang kan nei veve le, chu mang chu hawng kan simhfiangtu pakhat khawm an um lo ruangah,” an ti. Josef nih, “Mang simhfiangnâk pêk khotu chu Pathian asi, nan mang chu hawng ka simh ko u me,” a ti.

GENESIS 41:17

Lalchem nih, “Ka mang leiah Nile tiva kap ah ka dîr le,

GENESIS 41:25

Josef nih lalchem sinah, “Mang panih chu anna bang cho asi. Pathian nih thil a ti awt mi an simh mi asi.

GENESIS 41:28

Ka nan simh mi hâwi khan Pathian nih thil a ti awt mi a nan muhtir mi asi.

2 Lal 6:27

Anih nih a sâng le, “LALPA nih a nan ṭangpi lo chun kei nih zei kan pêk kho awt? Buh leh uain rerêng ka nei mazei?

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

DANIAL 4:2

Pathian rokual nih thilchê tla thilchê ti tla a hawng ka muhtir mi ngâi u.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

LUK 19:42

“Aw, nang rîlmâl nih hin tu dam liau lungngamnâk ding thu hi hawng theih râm nik le! Sikhawmsele na muh lonâk ding hen â thup dangâiah.

THILTI 3:12

Chun, Peter nih mi zapi tla a muh na rawh chun an sinah, “Nannih Israel mi le tla, hi bang hi zei rangah chê nan ti? Kanmah thiltikhonâk leh Pathian sunhsaknâk ruangah anih hi kan kaltir mi hâwi ngâi chun zei rangah nan hawng kan zauh?

THILTI 3:7

Chun, a kut vawrhlei a tleih le, a thawh le; chun lâkkhatko ah a kê tla leh a kemit ruh tla chu a hawng chak sawm rawh.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

2 KORIN 3:5

zeizawng kanmah thawk hen suak a ruat ding hen kanmah cho hen kan tlinh kan ti lo; kan tlinh khonâk chu Pathian sin thawk hen asi dauh.

DEUTERONOMY 29:29

“LALPA kan Pathian nih a thuptê hen a kil mi thil zeimawh a um; sikhawmsele a dân chu a hawng langh le, kanmah leh kan thlâk tla nih kan zûl kumza ding mi chu asi.