GENESIS 4:4 - Bawm Common Language Bible Version

⁴ Abel nih chun a dawrâ rual lakah a suak masa chem mi a lâk le, a thah le, a mehtît a ṭha chem mi LALPA rangah a pêk. Abel leh a thilpêk nih chun LALPA a lawmhtir.

GENESIS 4:4 ပူးပေါင်းရင်းမြစ်များ

GENESIS 15:17

Nî chu a tlâ le, a hawng mûi rawh, mei bêl lakah meikhû leh meifâr alh chu lâkkhatko ah a hawng lang le, sa vo chan mi karah anna zî lemang.

GENESIS 4:3

Hun zeimaw zat nûnah Kain nih chun LALPA rangah a phâisen ah mi thlâi zeimaw zat a pêk.

1 Lal 18:24

Baal khuavâng tla nih an pathian sinah thlacham na seh; kei khawm LALPA sinah thla ka cham bâk lai le; kan thlachamnâk sâng hen mei hawng tirtu chu Pathian tak asi lai,” a ti. Chun, mi zapi nih chun asi ngâk ti hen an âu.

1 Lal 18:38

LALPA nih mei a hawng thlâk le, bâwlnâk chu thing tla, lung tla a kâng hep le, tualchâr fêk hen a kâng hep le, a kiangkam ah chawh mi lakah tî khawm a kâng hep.

1 CHRONICLES 21:26

David nih chunah chun mâichâm a siam le, duah mi thil ap leh remnâk thil ap a ap. Thla a cham le, LALPA nih mâichâm ah mi khangh ding hen vân thawk hen mei thlâk hen a thlachamnâk a sâng piak.

2 CHRONICLES 7:1

Lalchem Solomon nih thla a cham mi a lîm rawh chun, vân thawk hen mei a hawng tlâ mi nih bâwlnâk ap mi chu a khangh hep le, LALPA umnâk mit ser rê hen a chêu mi chu Biakin a khat rawh.

SAM 20:3

Na thilpêk tla zawzawng an pawm piak hen, na bâwlnâk ah chun a lâwm seh.

EXODUS 13:12

fapa tîr vial chu LALPA sinah nan ap ding asi. Nan ran a ring masa chem mi a mipa chu LALPA tâ asi.

THUFING LASUIBU 3:9

Na ram ah mi thil ṭha chem a hawng suak mi zawzawng chu pêk hen LALPA zah rawh.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

LEVITICUS 9:24

Lâkkhat ko ah LALPA nih mei a hawng thlâk le, mâichâm tlûnah duahphung thil ap leh a thâu chu a kâng hep. Chu chu zapi tla nih an muh le, an ektê hen an âu le, tual leiah an buk hep.

NUMBER 16:15

Mosi chu a rothawk le, LALPA sinah, “Hi minung tla thil ap hi pawm lah rawh. An lakah zeikhawm ka sual mi a um lo; an sanatung pakhat tê khawm ka lâk lo,” a ti.

NUMBER 16:35

Churawh chun, LALPA nih mei a hawng fial le, rimthâw pêktu minung 250 chu a khangh hep na.

NUMBER 18:12

“Israel mi tla nih thil suak masa a ṭha chem mi zawzawng kum siar an hawng ka pêk mi oliv sariak, uain leh fâng tla chu ka nan pêk na asi.

NUMBER 18:17

Sikhawmsele, chaw, dawrâ leh kêl lakah mi fa tîr chu tlanh nawlh ding asi lo; ka tâ hep an si le, bâwlnâk ah mang ding asi. An thî tla mâichâm ah theh hen, a rim nih hawng ka lawmhtir ding hen an thâu chu eiphung thil ap rangah duah ding asi.

HEBRAI 11:4

Lungnâk hen Abel nih chun Kain ngâk chun bâwlnâk ṭha dauh Pathian sinah a pêk; lungnâk ruangah Pathian nih a thilpêk tla a pawm piak le, mirep asi phah. Chun, chu lungnâk ruang chun Abel nih thih nûnah thu a sim nget rih asi.

HEBRAI 9:22

Chun, Dân thu hâwi hen zeizawng thisen hen thenhlimhtir an si; thisen suah lo hen sual ngaihdamnâk rerêng a um loh.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

LÂIRÊL 6:21

Churawhchun, LALPA vânmifial nih a tleih mi ṭhianṭhunh chu a lirh le, sâ leh sang chu a tawngh rawh. Lung thawk hen mei a hawng suak le, sâ leh sang chu a kâng hep. Churawhchun, vânmifial chu a tlâu ving.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.