GENESIS 39:9 - Bawm Common Language Bible Version

⁹ Amah hen bang cho hen hi in ah hin thuneitu ah hawng ka siam, nangmah cho lo chu ka kut ah ap lo mi zeikhawm a um lo, zeitin kha bang hâwi thil diklo ti hen Pathian tlûnah thilsual ka ti kho lai?” a ti.

GENESIS 39:9 ပူးပေါင်းရင်းမြစ်များ

GENESIS 13:13

Chunah minung tla chu LALPA tlûnah an sual le, an ṭhalo.

GENESIS 20:3

Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

GENESIS 20:6

A mang ah hi hâwi hen Pathian nih a sâng. “Asi ngâk, fiang tak hen theih hen na ti mi asi, churuangah ka lakah sual lo ding leh amah chu na tawngh lo ding hen ka nan vêng asi.

GENESIS 20:9

Chun, Abimelek nih Abraham a kawh le, “Kan lakah zei thil me na ti? Ka tlûnah leh ka ram lakah siatnâk na hawng tlungtir rê ding hen zei thilsual me na lakah ka ti? Ka lakah thil na ti mi hâwi hi âukhawm nih an ti dahlo.

GENESIS 24:2

A to-aw upachem mi, a neih zawzawng lakah thu a neihtir mi sinah chun, “Na kut kha ka êl karah siah le, siat a sirh.

GENESIS 39:10

Nisiar hen Josef rangah a sâwm khawmsele, a ihpi duh rerêng lo.

GENESIS 41:40

Kan ram ah thuneitu ah ka nan siam lai le, ka mi zawzawng nih na thu an ngâi lai. Thuneihnâk leikângah chun keimah sangtu na si lai.

GENESIS 42:18

A ni thum ni ah Josef nih an sinah, “Kei chu Pathian ṭihtu kasi le, nan nungnâk hi a san kâng khat hen ka zuah lai.

2 SAMUEL 11:27

A mithi ulh a lîm rawh chun, David nih a in ah hawngpi ding hen mi a fial le, a nupi ah a umpi le, fapa a ring piak. Sikhawmsele David thilti lakah Pathian a lungsi lo.

2 SAMUEL 12:13

David nih Nathan sinah “LALPA tlûnah thilsual ka ti ngâk asi,” a ti. Nathan nih, “LALPA nih a nan ngaihdam rawh, na thi lai loh.

NEHEMIAH 5:15

Keimah lânah lâirêltu zawzawng tla chu mipi tla rangah thilrit tak an si le, ni khat eibâr leh uain rangah tangka sâwmli an hauh. An to-aw men nih zapi minung an nehsawh na. ‘Kei chu Pathian ka ṭih ruangah dang tak hen thil ka ti.

NEHEMIAH 6:11

“Kei chu tek hen thup salam mi zât kasi loh. Biakin ah ka nungnâk him ding ruangah a thup ding hen ma na ka ruat? Ka ti awtlo zia chu a,” ka ti piak.

JOB LASUIBU 31:23

Pathian rêpnâk ka ṭih ruangah chu hâwi thil chu ka ti dahlo.

SAM 51:4

Na lakah ka sual le, nangmah sin ngelchel ah ka sual, thilsual hen na ruat mi chu ka ti. Ka lakah lâi na rêl mi hi na dik asi; na ka mawhtir mi hi na dik asi.

EXODUS 20:14

“Ṭangdang pawmtâk lah.

THUFING LASUIBU 6:29

Midang nupi ihpi chu chu hâwi hen ṭihnung a kâi, âuzawng chu hâwi titu chu a tuar lai.

THUFING LASUIBU 6:32

Mi ṭângdang kâi mi minung chu mifing asi lo. Amah siat leh râwknâk a ti asi.

THUSIMTU 7:26

Nunau a thi mi ngâk hen thil zeimawh khâ dauh mi ka tawng. Nunau nih a nan duh mi chu, na rangah thang nih an awh mi hâwi leh lên nih an awh mi hâwi hen an awh lai le; a kut hen a nan kuah mi chu thîr chikchîn hen an khih mi hâwi asi. Pathian lawmhtirtu tla chu, chubang lakah mi anna kiang le, sikhawmsele misual chu a tleih na lai.

JEREMIA 28:16

Churuangah LALPA amah ngelchel nih a nan kaltâk awt ti a sim. Zapi minung tla chu LALPA lakah hel ding hen na simh na ruangah hi kum a vei lânah na thi lai,” ti hen thu dang a simh.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

LEVITICUS 20:10

Mi âuzawng mah Israel mi tla nupi hen ṭângdang pawmtu chu an panih hen thah ding asi.

LEVITICUS 6:2

Âuzawng nih mah Israel mi tla lakah thil siah mi khirh thu ah, a fîr piak hen mawh a perpet hen mawh,

NUMBER 32:23

Sikhawmsele, nan thutiam hâwitê nan tilo chun LALPA lakah thilsual nan ti mi asi ti ka nan simh na. Chu thu lakah chun palhrahnâk nei lah u; nan sual ruangah rêp nan tawng lai.

LUK 12:48

sikhawmsele, a pu duhzia khawm theihlo hen, vuak tlâk rê hen thil titu chu vei tâwmtê vuak asi lai. Âuzawng tam tak an pêk mi sinah chun tam tak an êng lai; âuzawng tam tak an kiltir mi sinah chun tam dauh an êng lai.

1 KORIN 4:2

Hi lakah hin zauhkhenhtu chu zumhkâi a herh asi.

HEBRAI 13:4

Mi zawzawng lakah umhnâk hi chawnglawmh hen um seh, nupi pasal khawm zumhkâi tawnh hen um seh. Hur leh ṭângdang pawmtu tla chu Pathian nih lâi a rêl lai.

1 JOHAN 3:9

Âuzawng Pathian fa nih chun, Pathian nunchan amah lakah a um kumza ruangah thilsual a ti tâwn lo, Pathian a Pa asi ruangah thilsual a ti kho lo.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.