GENESIS 39:2 - Bawm Common Language Bible Version

² LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:2 ပူးပေါင်းရင်းမြစ်များ

GENESIS 21:20

Ngâksia chu a ṭhang vima le, a sinah Pathian a um; Paran ramkaro ah a um le, sa kah thiam tak asi.

GENESIS 21:22

Chu liau chun Abimelek chu a kawrsen hotu Phikol hen Abraham sinah an va kal le, a sinah, “Thil na ti mi zawzawng lakah Pathian na sinah a um.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 26:28

Annih nih an sâng le, “Tu chun LALPA na sinah a um ti kan theih le, nang leh kannih karah remnâk bir tak siam ding ṭha kan ti.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 39:23

LALPA chu Josef sinah a um le, thil a ti mi zawzawng lakah dingchangnâk a pêk ruang chun rêngtlâk vêngtu khawm nih Josef rangah a rinh hep.

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

2 Lal 18:7

LALPA chu a sinah a um le, a thilti zawzawng dingchang tak hen a um. Asiria lal lianchem tlûnah a hel le, a sinah siah a pêk duh loh.

1 CHRONICLES 9:20

Phinehas, Eleazar fapa a sinah LALPA um mi nih veikhat chu a zauhdik na.

2 CHRONICLES 1:1

Lalchem David fapa Solomon nih chun, Israel lalram chu bir tak hen a zauhkhenh le, LALPA, a Pathian nih mal a sâwm le, thiltikho tak hen a siam.

SAM 1:3

Annih chu tinung va kapah thing a kho mi, A tik tê ah rah tâwn mi, a nah khawm châr dahlo mi hâwi an si; An thilti zeizawng ah anna dingchang.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 46:7

LALPA thil zeizawng tikho chu kan sinah a um; Jakob Pathian chu kan himnâk asi.

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

JEREMIA 15:20

An theih kho ding hen dâr kulh vâm hâwi hen ka nan siam lai. An do lai le, sikhawmsele an neh lai lo. Na sinah an vêng ding leh hum ding hen ka um lai.

THILTI 8:31

Chun, anih nih chun, “Âukhawm simhfiang lo hen zeitin ka theih kho lai?” a ti. Chun, a sinah to ding hen Philip chu a sâwm rawh.

1 TIMOTHE 6:1

Pathian min leh a sîntirnâk thu simsiat hen a um lonâk ding hen sal si mi tla nih chun anmah hotu tla thu zeizawng ah chawnglawmh tlâk ah ruat na seh.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 6:27

Churawhchun, LALPA chu Josua sinah a um le, chun ram pumpi ah a min a thang rawh.

1 SAMUEL 16:18

An lakah mi pakhat nih, “Bethlehem mi Jese nih tumphung thiam tak mi fapa a nei, amah chu mi râlṭha tak leh mêlṭha tak, kawrsen ṭha tak leh thusim kho mi tak asi. Chu minung sinah LALPA a um,” a ti.

1 SAMUEL 18:14

LALPA chu a sinah a um ruangah a ti mi zawng chu a dingchang vima.

1 SAMUEL 18:28

Saul nih David sinah LALPA a um mi leh a fanu Mikal nih David chu a dâwt tatak ti a theihfiang rawh.

1 SAMUEL 3:19

Samuel chu a hawng lian vima le, a thusim zawng chu a dik vima.