GENESIS 38:24 - Bawm Common Language Bible Version

²⁴ Thla thum nûnah mi âumawh nih Juda sinah, “Na monu Tamar â zuar mi hâwi hen thil a ti le, a râi rawh,” a ti. Juda nih, “Suah ule, thi thlo hen rawh ko u,” ti hen thu a pêk.

GENESIS 38:24 ပူးပေါင်းရင်းမြစ်များ

GENESIS 20:3

Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

GENESIS 20:7

Sikhawmsele, tuah nunau chu a pasal sinah khirh nawlh; anih chu khuavâng asi, thla an cham piak lai le, na thih lonâk ding hen. Sikhawmsele, na khirh lo asi chun, nang leh na mi tla an thi ver awt tih kan theihtir,” a ti.

GENESIS 20:9

Chun, Abimelek nih Abraham a kawh le, “Kan lakah zei thil me na ti? Ka tlûnah leh ka ram lakah siatnâk na hawng tlungtir rê ding hen zei thilsual me na lakah ka ti? Ka lakah thil na ti mi hâwi hi âukhawm nih an ti dahlo.

GENESIS 34:31

Sikhawmsele, annih nih, “Kan farnu hi nunau â zuar mi hâwi hen a ti mi kan duhzia asi lo,” an ti.

GENESIS 38:23

Juda nih, “Thil tla kha a ting pawt ko seh, mi nih an hawng kan nihsanh salam lai, pêk ding ka tum le, khawmsele na hei tawng lo mi chu,” a ti.

2 SAMUEL 12:5

David chu mineipa thu lakah thungâi a rothawk le, “LALPA a nung mi min sâl hen ka tiam, chu hâwi minung chu thi tlâk asi!

2 SAMUEL 12:7

Nathan nih a sinah, “Chu minung chu nangmah na si. Hi hi LALPA, Israel Pathian nih a sim mi chu asi: ‘Saul kutah mi ka nan hum le, Israel lalchem ah ka nan siam.

THUSIMTU 7:26

Nunau a thi mi ngâk hen thil zeimawh khâ dauh mi ka tawng. Nunau nih a nan duh mi chu, na rangah thang nih an awh mi hâwi leh lên nih an awh mi hâwi hen an awh lai le; a kut hen a nan kuah mi chu thîr chikchîn hen an khih mi hâwi asi. Pathian lawmhtirtu tla chu, chubang lakah mi anna kiang le, sikhawmsele misual chu a tleih na lai.

JEREMIA 2:20

LALPA zahkâi nih, “Israel, a lân thawk hen ka thuneihnâk na duh lo le; ka thu ngâi ding leh hawng ka sawnh ding na duh lo. Tlâng sâng tlûn kip ah leh thing ring kip tangah thlâi ṭhattirtu pathian tla na sawnh.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 3:6

Josia a lal liauah LALPA nih ka sinah, “Israel, nunau zumhkâilo nih thil a ti mi khi na muh ma? Ka lakah mi hawng ka hawitâk le, tlâng sâng kip leh thing ring tangah nunau â zuar mi hâwi hen thil a ti.

JEREMIA 3:8

Israel chu hawng ka hawitâk hen nunau â zuar mi asi rawh ruangah ka mâk le, ka nar ving mi Juda khawm nih a muh. Sikhawmsele Juda, Israel zumhkâilo unaunu nih a ṭih lo thlo. Amah khawm â zuar le,

EZEKIEL 16:15

“Sikhawmsele, na dawhnâk leh na min thangnâk chu mikip hen duhnâk ah na mang vima.

EZEKIEL 16:25

Na dawhnâk chu nêngthû lakah na nûk. A hawng mi tla sin kip ah na pêk le, nisiar hen â zuar mi nunau ngâk hen na zual kâi.

EZEKIEL 16:26

Na duh mi na inpa Aigupta mi tla chu na sinah ihkhun ah na ittir, na zuar mi hen ka thin na thawktir.

EZEKIEL 16:28

“Midang tla lakah na chim lo rih ruangah Asiria mi tla na ṭhâwl na. An lakah â zuar mi na si, sikhawmsele, nangmah lakah an chim lo nget rih.

EZEKIEL 16:41

Na in tla chu an duah lai le, rêp hen na um mi chu nunau rual nih a nan muh lai. A zuar mi nunau na sinâk kan bângtir lai le, na duh na mi tla sinah thilpêk khawm ka nan bângtir lai rawh.

EZEKIEL 23:19

A lân ngâk hen â zuar dân a fâk dadauh le, Aigupta ram ah a nungâk liauah â zuar mi nunau asi liau hâwitê hen thil a ti.

EZEKIEL 23:44

Hi â zuar mi nunau tla sinah hin an va kal nawlh lemang. Oholah leh Oholibah mi hur nunau tla sinah an va kîr nawlh.

EZEKIEL 23:5

Keimah nupi asi khawm ah Oholah chu â zuar nget rih, Asiria ram a mi amah mêldîtu tla duhnâk hen a khat.

HOSEA 3:3

Anih chu ṭângdang pawmlo leh a zuarlo ding hen hun sâwt ual hawng ka ngâk ding hen ka simh; chu kar zawzawng chu kei khawm nih amah ngâk rih ding hen.

HOSEA 4:15

“Nang, Israel chu ka lakah zumhkâilo hen um menza khawmsele, chu thil lakah Juda tla chu sual rîlmâl lah seh. Gilgal mawh Bethel ah mawh Pathian sawnh hen chunahchun LALPA a nung mi min hen thu tiamh lah u.

LEVITICUS 20:10

Mi âuzawng mah Israel mi tla nupi hen ṭângdang pawmtu chu an panih hen thah ding asi.

LEVITICUS 21:9

Bâwlpu fanu â zuar chun a pa a mualphoh mi asi, thi thlo duah ding asi.

ROM 14:22

Lungnâk na nei mi chu Pathian mâika ah nangmah cho theih hen nei ko rawh. Mah nih ṭha ti leikângah mawh hen â ruat lo mi chu a thaw a suak.

DEUTERONOMY 24:16

“An fa tla thilsual ti ruangah nu leh pa an thah na ding asi lo, an nu leh pa thilsual ti ruangah fa le tla thah ding asi lo; mi amah sual ruangah amah a thi ding asi.

LÂIRÊL 19:2

sikhawmsele a nupi chu a thinrun le, Bethlehem ah a pa sinah a kîr ving le, chunah chun thla li a va um.