GENESIS 38:14 - Bawm Common Language Bible Version

¹⁴ A numei thuam hen â thuam mi chu a lît le, a mêl chu puan hen a khuh le, Timnah khua leiah a kalnâk lampi Enaim tualmâi ah a to. Juda fapa a tlum chem mi Selah chu nupi nei zâ ko na hen a umhtir na dahlo rih ti a theih ruangah.

GENESIS 38:14 ပူးပေါင်းရင်းမြစ်များ

GENESIS 24:65

Abraham to-awpa rangah, “Phâisen ah a hawng kal mi pa khi âu mesi?” ti hen a deih. To-awpa nih, “Ka pu asi,” ti hen a sâng. Churawhchun, a puan a lâk le, a mêl a khuh.

GENESIS 38:15

Juda nih a muh le, a mêl a khuh ruangah â zuar mi nunau siding hen a ruat.

GENESIS 38:19

Tamar chu in leiah a tlung le, a nipuan a lît le, a numei puan chu â aih nawlh.

GENESIS 38:26

Juda nih a theih le, “Hi nunau hi a dik asi, ka fapa Selah hen ka umhtir na lo mi ka mawh asi,” a ti. Juda nih a ihpi pawt lo rawh.

THUFING LASUIBU 7:10

Chunah chun nunau hen anna tawng le, nunau chu â zuar mi thuam hen â thuam le, a thinlung hen tumnâk a nei.

THUFING LASUIBU 7:12

a zeimaw zâwn ah sumtuahnâk mun ah a va kal mi a bawh na.

JEREMIA 3:2

Tlâng tlûn tla khi zauhnik. Nunau â zuar mi hâwi hen na ti lonâk mun rerêng a um ma? Arab mi nih ramkaro ah mi thah ding an bawh mi hâwi hen lamvâu ah na duh mi tla na bawh vima na. Na zuarnâk hen ram chu na nâwmtir.

EZEKIEL 16:25

Na dawhnâk chu nêngthû lakah na nûk. A hawng mi tla sin kip ah na pêk le, nisiar hen â zuar mi nunau ngâk hen na zual kâi.