GENESIS 37:4 - Bawm Common Language Bible Version

⁴ A unau tla nih Josef chu anmah tla ngâk hen a dâwt mi an theih le, an unaupa chu an hua rawh; kawmh hen thuruatpi ding khawm an duh lo.

GENESIS 37:4 ပူးပေါင်းရင်းမြစ်များ

GENESIS 27:41

A pa nih Jakob rangah malsâwmnâk a pêk ving ruangah Esau nih Jakob rangah a hua rawh. A thinlung hen, “Ka pa thih ni ding a nâi rawh, chu tikah Jakob chu ka thah nget lai,” a ti.

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

GENESIS 37:5

Zân khat chu Josef nih mang a nei le, a mang thu chu a unau tla a simh na le, a lân ngâk hen an hua dauh.

GENESIS 4:5

Kain leh a thilpêk lam chu a lawmh lo. Kain chu thungâi a thinthawk le, a râng.

GENESIS 49:23

A leido tla nih râlṭha tak hen an do, An chanhtiang leh an lîthal zum hen an ṭhâwl.

SAM 38:19

Ka mêlma tla chu an ṭhisel hen an chak le; a san lo thlo hen an ka huatu chu tam tak an si.

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

JEREMIA 12:6

Na dâwngsungkhur lakah mi na unau tla men nih a nan perpet hen nangmah do ding hen anna bawp. Kawmh tak hen thu sim na khawmsele zumh lah na,” a ti.

MARK 3:25

Dâwngsung khat khawm mah anna do chun, chu dâwngsung chu a dîr kho lai lo.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

1 JOHAN 2:11

Mah unau huatu lam chu mûi ah a um le, mûi ah a kal asi, mûi nih a mit a châwtir rawh ruangah a kalnâk ding a theih lo asi.

1 JOHAN 3:10

Hi lak hin Pathian fa tla leh Diabol fa tla chu â theih asi. Âuzawng thil dik ti lotu mawh, a unau zângfah lotu chu Pathian fa asi lo.

1 JOHAN 3:12

Kain misual lakah mi mah unau thahtu hâwi khan kan um ding asi lo le, zeiruang me Kain nih anih chu a thah? Amah thilti a diklo le, a unau Abel thilti chu a dik ruangah.

1 JOHAN 4:20

Mi nih, “Pathian ka zângfah” ti hen, a unau hua sele, amah chu mi âwkrâwl asi, a unau a muh ko mi men a zângfah lo chun Pathian a muh dahlo mi chu zeitin a zângfah kho lai?

1 SAMUEL 17:28

David unau lakah a upachem mi Eliab chu David nih mi a sawnh na mi chu a theih rawh. A thinthawk le, David sinah, “Hinah zei na hawng ti? Mâng ah dawrâ tla âunih a zauh rawh? Nang ngâksia â thet hen! Râl anna tuk mi zauh ding hen na maw na hawng,” a ti.