GENESIS 35:3 - Bawm Common Language Bible Version

³ Hi mun hi kan mâk awt rawh le, Bethel ah kan kal lai rawh; chu ni ah ka lawksawngnâk hawng ka ṭangpitu leh ka kalnâk zawng ah ka sinah um tâwn mi Pathian rangah mâichâm ka siam awt,” a ti.

GENESIS 35:3 ပူးပေါင်းရင်းမြစ်များ

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 31:3

Churawhchun, LALPA nih Jakob sinah,”Na pa in leiah na unau le sinah kîr nawlh rawh, na sinah ka um lai,” a ti.

GENESIS 31:42

Ka pa le tla, Abraham leh Isak Pathian ka sinah um lah sele, takkaro hen na hawng ka tlungtir lai. Sikhawmsele, Pathian nih ka lawksawngnâk leh rian ka ṭuan mi tla a muh le, mazân khan lâi a hawng rêl rawh,” a ti.

GENESIS 32:24

amah lâwng hen dunglei ah a um rawh. Churawhchun, minung pakhat a hawng le, khuadei dêng tiang Jakob a paihpi.

GENESIS 32:7

Jakob nih chun a ṭih le, a zûr thlo. A sinah um mi minung tla chu murui nih hen a ṭhen na le, a dawrâ tla, kêl tla, ranrual tla, sangâwngsâu tla khawm murui nih hen a ṭhen na.

GENESIS 35:4

Churawhchun, ramdang pathian an nei mi zawzawng leh an nabeh anna beh mi tla Jakob sinah an pêk hep le, Sekem kiang mi Oak thing tangah a phûm rawh.

GENESIS 35:7

Chunah chun mâichâm a siam le, “El-Bethel’’ (Bethel Pathian) ti hen min a sak, a unaupa thawk hen a hawng tek liauah chunah amah Pathian tak â langh ruangah.

GENESIS 48:15

Churawhchun, Josef chu mal a sâwm rawh: “Ka pa Isak leh ka pu Abraham nih a rian an ṭuan piak mi Pathian nih hi ngaksia tla hi malsâwm na seh! Tusûn ni tiang ah hawng ka ruitu Pathian nih malsâwm na seh!

SAM 107:6

An lungdawng tikah LALPA chu an auh le, anna hamhnâk lakah mi chu ruang a suah na.

SAM 107:8

LALPA chu, a dâwtnâk dawnglo ruangah leh an rangah thilchê tla a ti mi ruangah lâwmthu an simh ding asi.

SAM 46:1

Pathian chu kanna dawrnâk leh kan chaknâk asi, lawksawng ni ah ṭangpi ding hen â tîm kumza.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

THUFING LASUIBU 3:6

Na thiltinâk zeizawng ah LALPA chu theih le, amah nih lampi dik a nan khît piak lai.

ISAI 30:19

Nannih Jerusalem ah um mi tla, nan ṭap lai lo rawh. LALPA chu mi siherhnâk nei mi asi le, amah ṭangpi deih hen nan auh chun a nan sâng na lai.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

1 SAMUEL 10:3

Chu thawk hen chun Tabor ah mi thing thenhlimh tiang na va kal lai le, chunah chun minung pathum Bethel ah Pathian sinah bâwlnâk pêk ding hen kal mi tla hen nanna tawng lai. Minung pakhat nih kêl fa pathum a ruai lai le, a dang pakhat nih sangvut tlang thum a put lai, a pathumnâk nih uain dûr khat dil hen a put lai.