GENESIS 35:2 - Bawm Common Language Bible Version

² Churawhchun, Jakob nih a dâwngsung leh a sinah um mi tla zawzawng sinah chun, “Ramdang tla pathian nan nei mi kha lawnh u, nanmah kha a thenhlimh ule, ni le puan thiang a aih u.

GENESIS 35:2 ပူးပေါင်းရင်းမြစ်များ

EXODUS 19:14

Churawhchun, Mosi chu tlâng thawk hen a hawng ṭum le, mi zapi tla chu Pathian sawnh ding hen a tîm ding hen a simh na. Churawhchun, an puan tla an suk le,

EXODUS 19:10

LALPA nih a sinah, “Kal le, Israel fa tla chu hawng ka sawnh ding hen tusûn leh thâi ah anna thianh ding hen simh na. An puan tla suk hen

JEM 4:8

Pathian naih u, chun anih nih a nan naih na lai. Misual tla, nan kut tla ṭâwl u, mi perpê tla, nan thinlung thenhlimhtir u,

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

EZEKIEL 18:31

Thilsual nan ti mi zawzawng lêt hep ule, dawnnâk leh thinlung thar a neih u. Israe1 mi tla, zei rangah thi ding nan duh êu?

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

JOSUA 24:23

“Asi chun, ramdang pathian nan nei mi thawk hen a thliar u,” ti hen thu a pêk na le, “LALPA Israel Pathian sinah buar lo ding thu tiam u,” a ti.

JOSUA 24:15

Amah rian chu ṭuan ding nan duh lo asi âwk leh tusûn ni ah hin âu rian nan ṭuan awt a ruat set u. Tuah nan umnâk ram Amor tla pathian mawh Mesopotamia ram ah an thlâk natu pathian rian ma nan ṭuan awt thlûk u. Kei leh ka dâwngsung lam nih chun LALPA rian kan ṭuan lai,” a ti.

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.

DEUTERONOMY 32:16

An ruk sawnhnâk ruangah LALPA thîknâk thinlung an thawktir; thilsual an ti mi nih a thin a thawktir.

GENESIS 31:34

Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo.

GENESIS 31:19

Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr.

JUD 1:23

Mei lakah an um mi tla chu ruangsuah na ule, an nipuan an duhnâk sual nih a nawmh rawh mi tla chu fih hen, an tlûnah ṭih bû hen zângfahnâk langhtir u.

GALATIA 4:8

Sikhawmsele a lânah Pathian nan theihlo liau khan, nan umdân lak khawm ah Pathian si lo mi sal nan si.

1 KORIN 10:7

An lakah mi zeimaw mi ruk sawnhtu an si hâwi khan ruk sawnhtu si lah u. Pathian lasui thu nih, “Zapi chu ei leh din hen an to dut le, pang ding hen an thawk nawlh,” ti hen, a sim hâwi khan.

THILTI 19:26

hinah Ephesi khua cho silo hen, Asia ram pumpi ding dêng khawm, hi Pawl nih hin, ‘Kut hen siam mi pathian tla hi chu pathian asi lo,’ ti hen, mi cherkhet a lêm na le, anna pêk ver rawh asi ti nannih ngelchel khawm nih nan muh hen nan theih.

DANIAL 5:4

pathian tla, ngûn, tangka, thîr thing leh lung tla hen siam mi chu an sawr na.

EZEKIEL 20:7

Kei, LALPA an Pathian kasi ruangah an duh tak mi milem fihnungkâi lawnh ding leh Aigupta ram ah pathian diklo lakah a nâwmtir lo ding hen ka simh na.

JEREMIA 16:20

Mi nih amah rangah pathian tla a siam kho mazei? Siam kho lo e, siam menza khawmsele pathian tak an si lai lo,” an ti lai.

JEREMIA 13:27

A hua mi thil na ti mi chu a muh rawh. Mi nih a zâwlbâwm nupi a ngarh mi hâwi leh rang phawl nih a nunau a zûl mi hâwi hen tlângah leh phâisen ah lunglotu pathian tla na zûl mi a nan muh. Jerusalem mi tla, nan vânduai rawh! Zeitik riamruam me na thiang awt?

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

ISAI 52:11

Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

ISAI 1:16

Thiang ver hen a ṭâwl u. Thilsual nan ti mi ka muh mi tla hi bâng u.

THUSIMTU 5:1

Biakin ah na kal chun a thiamthih rawh. Chunah sîn ding hen va kal chu zapi minung mâwl tak a dik leh diklo khawm theihlotu tla nih bâwlnâk an ap mi ngâk hen a ṭha dauh.

SAM 51:7

Ka sual hi kiangtir ving le, ka thiang lai; hawng ka ṭâwl le, vûr ngâk hen ka vâr lai.

SAM 51:2

Ka diklonâk zawzawng ṭâwl le, ka sual lakah mi hawng ka thiangtir!

JOB LASUIBU 1:5

Chu puai lîm nûn zînglei kip ah Job chu zîngtê ah a thawk le, a fa tla thenhlimhnâk ding hen bâwlnâk a pêk tâwn. A fa tla lakah zeimaw mi nih thilsual an ti lai dahmawh ti hen a nei kumza tâwn.

1 CHRONICLES 16:26

Phun dang pathian tla chu milem cho an si, sikhawmsele LALPA chu tual leh vân siamtu asi.

2 Lal 17:29

Sikhawmsele, Samaria ah um mi tla nih ruklem an siam nget rih le, Israel tla nih mun thenhlimh an siam mi lakah an siah. Murui kip anmah umnâk khuapi chiauah milem an siam.

2 Lal 5:10

Elisa nih a to-aw sinah, “Va suak le, Naaman sinah, Jordan Va ah vei sarih tak va khawlh sele a dam ko lai a nan ti,” ti hen a simh.

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

RUTH 1:15

Naomi nih a sinah, “Ruth, na hâwinu chu a mi leh a pathian sinah a kîr le, nang khawm a sinah kîr bâk ko,” a ti.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.

JOSUA 24:20

Ramdang mi pathian sawnh ding hen amah nan thlawrhthlâu chun a nan do na lai le, a nan rêp na lai, a lânah ṭha ngâi khawmsele a nan veih hep na lai,” a ti.

JOSUA 24:2

Josua nih zapi minung zawzawng sinah, “Hi hi asi, LALPA Israel Pathian nih a sim mi chu: ‘A lânah an thlâk natu tla chu Eufretis tiva râl leiah an um le, pathian dang tla an sawnh. Chu lakah mi pakhat chu Terah asi, amah chu Nahor leh Abraham pa asi.

JOSUA 23:7

chu tikah hi a leifuan um mi minung sinah hin kawpkaihnâk nan nei lai lo le, an pathian min khawm nan lam lai lo, an min sim hen thutiamnâk khawm nan nei lai loh, chubang tla pathian sawnh hen an sin khawm ah nan kûn lai lo.

DEUTERONOMY 11:28

a tlûnah nan sawnh dahlo mi phun dang pathian leikângah nan pial hen hi bang thupêk tla hi nan zûl lo chun siatbarh nan si lai.

DEUTERONOMY 7:25

An milem tla chu duah u. Tangka leh ngûn hen siam an si mi kha ngarh lah u, nanmah rang ding hen a lâk lah u. Nan ti bâk chun nan thi phah lai, Pathian nih milem chu a hua ruangah.

DEUTERONOMY 6:14

Pathian dang sawnh lah ule, nan kiangkam ah um mi tla pathian zeikhawm sawnh lah u.

DEUTERONOMY 5:7

“ ‘Keimah lo chu zei pathian khawm sawnh lah u.

NUMBER 31:24

A ni sarih ni ah nan nipuan tla nan suk lai le; dân hâwi hen nan thiang lai rawh le, riakmun ah lût ding hen siang asi lai rawh,” a ti.

LEVITICUS 17:16

Chu hâwi a tilo chun mawh a phurh lai.

LEVITICUS 15:5

Âuzawng a ihkhun tawnghtu mawh,

EXODUS 23:13

“Kei, LALPA nih nan sinah ka sim mi zawzawng chu ngâi u, pathian dang tla sinah thlacham lah ule, an min khawm sim lah u.

GENESIS 35:22

Jakob chu chu ram ah a um liau chun, Reuben nih a pa nupisûn Bilhah chu a ihpi le, Jakob nih a theih le, thungâi a thinthawk. Jakob nih fapa leinih a nei.

GENESIS 34:2

Hamor fapa Sekem, Hiv mi, ram pakhat hotu nih a muh le, a tleihrêm hen, a ihpi rawh.

GENESIS 31:30

In leiah tlung ding na duh thlo ruangah asi ti khawm ka theih, si menza khawmsele, zei rangah kan dâwngsung pathian lem tla na fîr?” a ti.

1 SAMUEL 16:5

Anih nih a sâng le, “Si ta a, LALPA sinah bâwlnâk ap ding ka hawng mi asi. A thiangtir ule, ka sinah hawng bâk u,” a ti. Jese leh a fapa tla khawm anna thenhlimh ding hen a simh na le, bâwlnâk ah chun a sâwm bâk na.

JOSUA 24:14

Josua nih thu a sim vima le, “Churawhchun, tuah, LALPA chu zah ule, zumhkâi tak leh rinh tlâk hen a rianṭuan u. A nan thlâk natu leh pathian tla Mesopotamia leh Aigupta ram ah an sawnh mi tla lakah mi chu a lêt ule, LALPA amah rian chu ṭuan u.