GENESIS 33:4 - Bawm Common Language Bible Version

⁴ Esau chu a tawng ding hen amah leiah chun a va tek le, a râlthuam chu a kiangah a siah le, a va châwchawk, an ṭap vevê rawh.

GENESIS 33:4 ပူးပေါင်းရင်းမြစ်များ

GENESIS 29:11

Churawhchun, a châwchawk le, â lâwm tuk le, a ṭap.

GENESIS 29:13

Laban nih a tupa Jakob thâwngthâng a theih rawh chun a tawng ding hen a va tek le, a kuah le a châwchawk, chun in ah a lûtpi rawh. Jakob nih Laban chu thil zeizawng chu a simh ver le,

GENESIS 32:11

Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih.

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

GENESIS 43:30

Churawhchun, Josef chu mawhsareh hen a kal ving, a naupa ruangah a thinlung a fâk tuktarâi ruangah a kek awt. Churawhchun, a pindan sungah a va kal le, a ṭap rawh.

GENESIS 43:34

Josef dawhkân thawk hen buh chu an pêk na le, Benjamin tingvo chu a leh ngâ hen midang tla ngâk hen a tam dauh. Josef hen an ei hen an din le, an khim rawh.

GENESIS 45:2

Hâu suah hen a ṭap le, Aigupta mi tla nih an theih le, a thâwngthâng chu lal umnâk ah an va sim.

GENESIS 46:29

Josef chu kari tlûnah â chuan le, a pa hen va a tawng ding hen Gosen ram ah a kal rawh. Anna tawng kâ hen Josef nih a pa a kuah le, sawt tak anna tawng lo mi asi ruangah a ṭap.

2 SAMUEL 14:33

Churawhchun, Joab chu lalchem sinah a va kal le, Absalom thusim chu a lanh. Lalchem nih Absalom chu a kawh le, churawhchun a va kal le, a mâika ah a kûn le, mâi a mûk, lalchem nih châwchawk hen a lawmh.

NEHEMIAH 1:11

Kei leh na to-aw dang nangmah ṭih leh zahtu tla thlachamnâk zawzawng hi tuah hawng kan ngâi piak rawh. Tusun ni ah hin dingchangnâk hawng ka pêk le, lal lianchem chu ka lakah khuaruattir,” ti hen. Chu liauah chun lal lianchem uain pêktu kasi.

JOB LASUIBU 2:12

An kal liauah râllâtpi ah Job chu an muh le, amah tak asi ti an theihfiang lo. An muh fiang rawh chun an ṭap le, an lung a fâk tukah an nipuan tla an thlêk le, vân leiah valeidip an lawh le, an lû tlûnah an phulh.

SAM 34:4

Ka LALPA sinah thla ka cham le, hawng ka sâng; ka ṭihnâk zawzawng lakah mi a ka suah.

THUFING LASUIBU 16:7

LALPA na lawmhtir chun, na mêlma khawm hâwikawmh ah na siam kho na lai.

THUFING LASUIBU 21:1

LALPA nih tiva duh duh hen a luangtir mi hâwi hen lal thinlung khawm a siam kho.

LUK 15:20

A thawk le, a pa sinah a kal rawh. “Chuvachun, lât takah a um liauah a pa nih a muh le, thungâi a siherh le, a fûk phêt le, an ir anna tawnh le, a châwchawk chiam.

THILTI 20:37

Chun, an ektê hen an ṭap chiam le, an ir leh Pawl ir tawnh hen anna châwchawk chiam le,

1 SAMUEL 20:41

Ngâksia a kal rawh chun, lung pawng lanh lei mi David chu a hawng thawk le, a khûp tual a deh le, tual leiah veithum a buk, Jonathan leh David chu châwchawk bû hen thungâi an ṭap le, David lawksawngnâk chu Jonathan ngâk hen a fâk dauh.