GENESIS 32:9 - Bawm Common Language Bible Version

⁹ Churawhchun, Jakob nih thla a cham le, “Ka pu Abraham leh ka pa Isak Pathian, hawng ka ngâi piak: LALPA, ka ram le, ka unau leiah kîr nawlh ding hen na ka simh le, thil zeizawng ka rangah ṭha vima ding hen na ruat.

GENESIS 32:9 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 28:13

LALPA chu a kiangah a dîr ko. “Kei, LALPA, Abraham leh Isak Pathian kasi,” a ti. “Hi na itnâk ram hi nang leh na thlâk tla rangah kan pêk na lai.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 31:13

Kei chu Pathian, Bethel ah na sinah â langh mi kha kasi. Theihkumzanâk lung lakah sariak na tawih le, ka sinah ap hen thu na tiamh mi kha kasi. Tuah na suaknâk ram leiah kîr ding hen a tîm rawh!” a ti.

GENESIS 31:29

Nganfâk a nan pêk kho kasi, sikhawmsele, mazân zân ah na pa Pathian nih hawng ka khap le, zeitin khawm ti lah hawng ka ti.

GENESIS 31:3

Churawhchun, LALPA nih Jakob sinah,”Na pa in leiah na unau le sinah kîr nawlh rawh, na sinah ka um lai,” a ti.

GENESIS 31:42

Ka pa le tla, Abraham leh Isak Pathian ka sinah um lah sele, takkaro hen na hawng ka tlungtir lai. Sikhawmsele, Pathian nih ka lawksawngnâk leh rian ka ṭuan mi tla a muh le, mazân khan lâi a hawng rêl rawh,” a ti.

GENESIS 31:53

Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh.

GENESIS 32:8

A thinlung hen, “Esau nih a masa mi murui hi do khawmsele, a dang tla chu ruangsuak asi kho lai ba a,” ti a ruat.

GENESIS 49:25

A nan ṭangpitu chu na pa Pathian asi, Mal a nan sâwmtu Pathian chak chu Vân thawk hen malsâwmnâk ruah an pêktu, Tual tangah tî thûk tak siamtu, Ranrual tam tak leh ngâksia tla malsâwmtu,

2 CHRONICLES 20:12

Nang chu kan Pathian na si! Hi hawng kan dotu kawrsen tam tak lakah chun ṭangpi kan herh ruangah nangmah nih rêp na. A ti dân ding zeikhawm kan theih loh, sikhawmsele nangmah ṭangpinâk cho kan bawh ko,” a ti.

2 CHRONICLES 20:6

Lalchem Jehosaphat chu an mâika ah a dîr le, hâu fâk tak hen thla a cham. “LALPA hawng kan thlâktu Pathian, nangnih vân thawk hen laikulh ah mi phun zawzawng tlûnah lâi na rêl. Nang chu thil na tikho hen na chak, âukhawm nih do kho ding mi na si lo.

2 CHRONICLES 32:20

Lalchem Hezekiah leh khuavâng Isai Amos fapa nih Pathian sinah ṭangpi deih hen thla an cham le, an auh rawh. Churawhchun,

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

JEREMIA 32:16

Châwknâk lasui Baruk sinah ka pêk nûn chun thla ka cham,

1 SAMUEL 30:6

David chu thungâi a lawksawng, a mi le tla khawm an fa tla an thlâu ver na ruangah an lung a fâk thlo ruangah David rangah lung hen seh ding an awt; sikhawmsele LALPA a Pathian nih a râlṭhattir,