GENESIS 32:31 - Bawm Common Language Bible Version

³¹ Jakob nih Peniel mun a kaltâk liau chun nî a suak rawh, a kâwl a fâk ruangah a bei.

GENESIS 32:31 ပူးပေါင်းရင်းမြစ်များ

GENESIS 16:13

Hagar nih a thinlung hen, “Pathian tatak muh hen thusim ding ma asi le?” a ti. Churawhchun, a sinah thusimtu LALPA chu, “Muhtu Pathian asi,” a ti.

GENESIS 19:15

Khuadei bâiah vânmifial tla nih Lot chu an nâwt rawh. “A nam rereh! Na nupi leh na fanu panih tla hen suak u, hi khuapi â râwk tikah nan thi lonâk ding hen,” an ti.

GENESIS 19:23

Lot chu Zoar a tlung rawh chun nî a suak rawh.

GENESIS 32:25

Chun, chu pa nih neh kho ding hen a muh lo rawh chun, Jakob kâwl a vuak piak le, a liahchân a pelh rawh.

GENESIS 32:32

Tûtiang hen Israel thlâk tla nih chun, êl liahchân tît an ei lo, chu lak chun Jakob chu vuak asi ruangah.

1 Lal 12:25

Jeroboam nih Efraim tlâng ram Sekem khua ah kulh a siam le, chunah zeimaw tiang a um. Chu chu a mâk le, Penuel khua kulh a siam fâwn.

1 Lal 18:26

Chawchal an pêk na mi chu an lâk le, an timhtuah le, Baal sinah nî sûn tiang hen thla an cham, “Baal, hawng kan sâng rawh!” ti hen an âu le, lâm bû hen mâichâm an hêl. Sikhawmsele sângnâk rêng a tleng lo.

SAM 38:17

Tlû ding hen ka um le, ka ngan a fâk kumza.

EXODUS 24:10

Pathian chu an va muh rawh. A kezaphah tang chu saphir lung phah mi hâwi asi, vândâwm hâwi hen a pâwl iam.

EXODUS 24:11

Israel ruitu tla chu Pathian nih zei ngânfâk khawm a pêk na lo, Pathian chu an va muh le, munkhat hen an din hen an ei.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

2 KORIN 12:9

Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

DEUTERONOMY 5:24

‘Mei thawk hen thu a sim mi kan theih liauah LALPA kan Pathian nih a rokualnâk hawng kan muhtir! Tu chun Pathian nih minung a sawnh khawmsele a thi lêm lo ti kan theih.

DEUTERONOMY 5:26

Pathian nung nih mei thawk hen thu a sim mi theihtu minung a dam mi âu me um?

LÂIRÊL 6:22

Gideon nih chun LALPA vânmifial tak asi ti a theih le, ṭih tak bû hen, “LALPA zahkâi, Na vânmifial chu mâitawnh hen ka muh rawh,” a ti.

LÂIRÊL 6:23

Sikhawmsele LALPA nih a sinah, “Lungngam tak hen um le, ṭih lah, na thi lai lo,” a ti.

LÂIRÊL 8:8

Gideon chu Penuel leiah a kal vima le, chunah mi tla rang khawm chu hâwitê hen a ngiar na. Sikhawmsele, Penuel ah um mi tla khawm nih Sukot mi tla hâwitê hen an sâng.