GENESIS 32:11 - Bawm Common Language Bible Version

¹¹ Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih.

GENESIS 32:11 ပူးပေါင်းရင်းမြစ်များ

GENESIS 24:27

“LALPA, ka pu Abraham Pathian chu sawr hen um seh, ka pu sinah zumhkâi tak hen thutiamtu chu. LALPA nih ka pu chik-le-ngerh sinah tluang tak hen hawng ka tlengtir rawh,” a ti.

GENESIS 27:41

A pa nih Jakob rangah malsâwmnâk a pêk ving ruangah Esau nih Jakob rangah a hua rawh. A thinlung hen, “Ka pa thih ni ding a nâi rawh, chu tikah Jakob chu ka thah nget lai,” a ti.

GENESIS 27:42

Sikhawmsele, Rebek nih Esau thiltum chu a theih le, Jakob a kawh le, “Ngâi rawh, na unaupa Esau nih thah ding an tum.

GENESIS 32:3

Jakob nih chun a unaupa Esau Edom ram ah mi sinah a mâi leiah mi a fial na.

GENESIS 32:7

Jakob nih chun a ṭih le, a zûr thlo. A sinah um mi minung tla chu murui nih hen a ṭhen na le, a dawrâ tla, kêl tla, ranrual tla, sangâwngsâu tla khawm murui nih hen a ṭhen na.

GENESIS 33:4

Esau chu a tawng ding hen amah leiah chun a va tek le, a râlthuam chu a kiangah a siah le, a va châwchawk, an ṭap vevê rawh.

2 SAMUEL 7:18

David chu LALPA sinah Puanin ah a va kal le, thla a cham, “LALPA zahkâi, ka lakah leh ka dâwngsung lakah hi hâwi thil na ti mi hi ka tlâklo.

SAM 119:134

Na thupêk tla zûl kho ding hen hawng ka nâunehtu tla lakah mi hawng ka hum.

SAM 142:6

Ṭangpi deih hen ka âu mi hi ngâi le, lung dawnghnâk ah ka pil rawh ruangah. Ka mêlma lakah mi hawng ka hum rawh; kei rang chun an chak tuktarâi.

SAM 16:1

Pathian, hawng ka hum rawh, him ding hen na sinah ka ngauh.

SAM 25:20

Hawng ka kil le, ruang hawng ka suah; neh hen ka um ding mi lakah hawng ka vêng. Na ka kilkâwi ding hen na sinah ka hawng.

SAM 31:2

Hawng ka ngâi le! Tuah ruang hawng ka suah! Hawng ka hum ding hen ka kulh si rawh; ruangsuah ding hen hawng ka vêngtu si rawh.

SAM 43:1

Pathian, lunglo tla lakah hawng ka vêng hen hawng ka mawhtir lah. Misual leh mi âwkrâwl tla lakah mi ruang hawng ka suah.

THUFING LASUIBU 18:19

Na unaupa chu ṭangpi le, khuapi kulh hâwi hen nangmah humtu asi lai. Sikhawmsele thu na êlpi chun, na rangah in a khâr pang lai.

DANIAL 3:17

A rian kan ṭuan mi Pathian nih meihum lakah mi leh na thiltikhonâk lakah mi hawng kan hum kho asi, amah nih a ti ko lai.

HOSEA 10:14

Lal Salman um liauah Betharbel khuapi râltuknâk ah a râwk dep le, nu leh an fa tla a thah ver na liau mi hâwi asi lai.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

DEUTERONOMY 22:6

“Vâ bû thing lakah mi mawh tual ah mi mawh a fa hen mawh a ti tlûnah a khurh mi nan muh chun, chu apinu chu nan lâk piak ding asi lo.

1 SAMUEL 12:10

Churawhchun, LALPA rangah ṭangpitu ah an ngiar le, a sinah, ‘LALPA na sinah mi kan pial tâk ruangah kan sual asi. Baal leh Astarte lem tla kan sawnh. Kan mêlma lakah mi ruang hawng kan suah le, nangmah kan sawnh awt rawh,’ an ti.

1 SAMUEL 24:15

Âu kan diklo dauh LALPA nih lâirêl seh. Hi thu hen LALPA nih lâirêl sele, na lakah mi LALPA nih hawng ka vêng hen hawng ka hum seh,” a ti.