GENESIS 31:41 - Bawm Common Language Bible Version

⁴¹ Kum kul tling bir hen na in sungah ka um. Na fanu panih lawh ding hen kum leili rianṭuan hen na in sungkhur ah ka um, ranrual ruangah kum ruk ka um; chu nûn khawm ah vei râ ding ka tha lawh man na dangtir.

GENESIS 31:41 ပူးပေါင်းရင်းမြစ်များ

GENESIS 27:44

chunah chun zeimaw tiang ding va um le, na unaupa thinthawk a reh hen,

GENESIS 29:15

Laban nih Jakob sinah, “Ka taksa tlâi na si ruangah, ka rangah zei rian khawm na ka ṭuan piak ding asi lo. Lawh zeizat an pêk sele na duh?” a ti.

GENESIS 30:28

Na rianṭuan tla sim le, a man kan pêk lai,” a ti.

GENESIS 31:38

Na sinah kum kul tiang ka um rawh; na dawrâ tla leh na kêl tla, an fa rêng an siat lo, na ranrual lakah mi a chal tla khawm ka ei lo.

GENESIS 31:40

Vei tam tak sûn nî linh leh zân ah deih ka tuar le, it khawm ka it kho lo.

GENESIS 31:6

Ka chelh rî hen nan pa rangah rian ka ṭuan mi khawm nan theih vevê.

GENESIS 31:7

Sikhawmsele, hawng ka perpet le, ka lawh tla vei râ tiang a dangtir. Sikhawmsele Pathian nih zei nganfâk khawm hawng ka pêk lo.

GENESIS 32:4

Thusim ding mi tla chu a simhkan ver na: “Kei, Jakob, na to-aw ê-aw ngâi tak nih ka hotu Esau sinah, Laban sinah ka um mi tu rakah ka hawng kîr ti ka nan simh.

1 KORIN 15:10

Sikhawmsele, Pathian zângfahnâk ruangah ka siding mi chu kasi rawh; chun a zângfahnâk hawng ka pêk mi thu a thawt hen a um lo; chu hâwi ngâk hen anmah tla zawzawng ngâk hen a ṭuan ka hamh dauh kha. Sikhawmsele, keimah nih ka ṭuan lo le, Pathian zângfahnâk ka sinah um mi nih khan a ṭuan dauh asi.

2 KORIN 11:26

khua ṭawlnâk ah vei tam tak, tivatê ṭihnungkâi lakah, rawkmang ṭihnungkâi tak lakah, ka phun hâwi ṭihnungkâi lakah, Phundang tla ṭihnungkâi lakah, khuapi ṭihnungkâi lakah, ramkaro ṭihnungkâi lakah, tisumsumriat ṭihnungkâi lakah, unau telê ṭihnungkâi lakah; rianṭuan dîtnâk leh rianṭuan hamhnâk lakah, ihmu riauraknâk tla ah vei tam tak,