GENESIS 31:34 - Bawm Common Language Bible Version

³⁴ Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo.

GENESIS 31:34 ပူးပေါင်းရင်းမြစ်များ

GENESIS 31:17

Churawhchun, Jakob chu a pa umnâk Kanaan ram leiah kîr ding hen â timhtuah rawh. Sangâwngsâu tlûnah a nupi leh a fa tla a chuanh na le, a ranrual zawzawng tla chu a mâika ah a kaltir na rawh. Mesopotamia ram ah thil a tawng mi zawzawng tla hen.

GENESIS 31:19

Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr.

GENESIS 31:33

Laban nih Jakob puanin, Leah puanin, an to-awnu panih puanin tla a hâwl hep le, sikhawmsele, a pathian rerêng a tawng lo. Churawhchun, Rakel puanin ah a va lût.

GENESIS 31:35

Rakel nih a pa sinah, “Ka pa, ka lakah thinrun lah, na mitmuh ah ka dîr ngam lo; nunau râitâ ka nei,” a ti. Laban nih a hâwl chiam le, sikhawmsele dâwngsung pathian lem tla chu a tawng kho lo.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

LEVITICUS 15:9

Tangphah mawh tophah lakah thil suak neitupa a to chun a nâwm rawh asi.

LÂIRÊL 18:24

Mikah nih a sâng na le, “Zei me pawi, zeitin nan ti zia? Ka bâwlpu leh ka pathian ka siam mi nan lâk le, nan kal ving! Kei nih zei ka nei rawh?” a ti.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.