GENESIS 30:1 - Bawm Common Language Bible Version

¹ Jakob rangah Rakel nih fa a ring piak lo. Churawhchun, a unu rangah a nahsuah le, Jakob sinah, “Fa hawng ka pêk, chu hâwi asi lo chun ka thi ving awt,” a ti.

GENESIS 30:1 ပူးပေါင်းရင်းမြစ်များ

GENESIS 29:31

LALPA nih Leah ngâk hen Rakel a duh dauh mi a muh le, Rakel chu fa ring lo hen a siam le, fa nei lo hen a um.

GENESIS 37:11

Josef chu a unau tla nih thungâi an nahsuah le, a pa lam nih chun zei zia me asi aw ti hen a thinlung ah a kil ziar.

1 Lal 19:4

ramkaro ah nî tlâk a kal. Chunah chun thing dâidul ah â din le, thih a hauh le, “LALPA, ati tuktarâi rawh, ka nungnâk hi lâk ko rawh, ka thi ko lai rawh!” ti hen thla a cham.

JOB LASUIBU 13:19

Pathian, keimah phiar ding hen ma na hawng? Chu hâwi na ti awt mi asi chun, dâisip hen thi ding hen ka tîm ko.

JOB LASUIBU 3:11

Ka nu paw sungah ka um liau mawh, ka suak kâ hen khan thi ving sele ka duh a!

JOB LASUIBU 5:2

Vûirâmnâk ruangah lungsilo bû hen thihnâk chu mi â zeikhawm theihlo mi ti dân asi.

SAM 106:16

Chu ramkaro ah chun LALPA to-aw thenhlimh Mosi leh Aron chu an nahsuah na.

THUFING LASUIBU 14:30

Thinlung ah thlangamnâk nih taksa ṭhiselnâk a siam le, sikhawmsele mi nahsuah mang chu mâ dam kho lo vei hâwi asi.

THUFING LASUIBU 30:16

Laikulh thihnâk, nunau fanei lo, ruah herh mi tual châr, mei mih kho lo mi.

THUSIMTU 4:4

Zei rangah dingchangnâk ding hen mi nih titi hamh hen rian an ṭuan ti ka ruat fâwn; an zâwlbâwm tla thil an ngarh na ruangah asi. Sikhawmsele zeikhawm asi lêm lo, thli ṭhâwl mi hâwi asi.

NUMBER 11:15

Hi hâwi hen na hawng ka hamhtir asi chun hawng ka zângfah le, hawng ka thah râu rawh, na ka hamhtirnâk hi ka tuar lo rawhnâk ding hen,” a ti.

NUMBER 11:29

Mosi nih a sâng le, “Ka duh mi hi na duhzia ma? LALPA nih hi mi zapi tla hi khuavâng hâwi hen âu ding hen a thlarau pêk chiau na sele ka duh asi,” a ti.

JOHAN 4:3

Judai ram chu a kaltâk le, Galili ram ah a kîr nawlh rawh.

JOHAN 4:8

A ṭhiruai lam chu ei ding châwk hen khua ah an kal rawh.

1 KORIN 3:3

taksa mi nan si kumza rih ruangah. Nan lakah nahsuahnâk leh êlnâk a um tâwn ruangah hin taksa mi si hen minung hâwi hen nan um asi lo mazei?

2 KORIN 7:10

Pathian duhzia hâwi hen ngaihsiatnâk nih chun ruangsuahnâk ding hen sîrnâk cho silo hen rimnâk a siam tâwn; laikulh ngaihsiatnâk nih chun thihnâk a siam dauh tâwn.

GALATIA 5:21

nahsuahnâk, zû rîtnâk, zû mun ah lâwmnâk tla, hi bang tla hi: Chubang tla chu a lânah, chu hâwi thil ti mang tla nih chun Pathian Ram anna ting lai loh ti ka nan simhkan na hâwi khan ka nan simhkan na hi.

TITA 3:3

Kannih khawm a lânah â tak leh ê-aw ngâilo leh perpet mi leh, duhnâk leh lawmhnâk kip leikângah pial mi leh sual leh nahsuah mang hen um mi leh fihnungkâi leh a huat tawnh mi tla kan si ruangah.

JEM 3:14

Sikhawmsele, nan thinlung ah ṭhatlonâk leh nahsuahnâk leh mah kawngkâ cho ruat mi nan si chun a zûm lah u, thudik do hen âwkrâwl sim lah u.

JEM 4:5

Asi lo leh, Thlarau kanmah lakah a um chun thîk rê hen hawng kan duh asi ti hi, Pathian lasui thu nih sim salam hen ma nan ruat?