GENESIS 3:6 - Bawm Common Language Bible Version

⁶ Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

GENESIS 3:6 ပူးပေါင်းရင်းမြစ်များ

GENESIS 3:12

Mipa nih chun, “Nunau ka sinah mi nih khan theirah chu hawng ka pêk le, ka ei ko rawh,” a ti.

GENESIS 3:17

Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh.

GENESIS 39:7

A nehnûntê chun, a hotupa nupi nih Josef chu a mêldî le, munkhat it ding hen a sâwm.

GENESIS 6:2

tlûnlei mi minung tla nih nungâk tla an muh na le, thungâi dawh an ti le, churuangah an duh mi tla an lâk na.

2 SAMUEL 11:2

Nikhat chu sûnnilei zâu ah David chu a thawk le, a in tlûnah a va kâi, a kâi liau chun nunau tak â khawlh mi a muh, chu nunau chu thungâi a mêlṭha.

1 Lal 13:19

Churawhchun, Juda ram mi khuavâng chu khuavâng tarpa in ah a va kal le, a sinah buh a ei rawh.

JOB LASUIBU 31:1

Thinlung ah duhnâk nei hen nungâk zauh lo ding hen thutiamnâk bir tak ka siam.

EZEKIEL 24:16

“Thikho mi minung, veikhat vuak hen na duh chem mi minung chu ka lâk ving awt. Na vûirâm ding asi lo, na ṭap ding asi lo, na mitthli rêng a tlâ ding asi lo.

EZEKIEL 24:21

Biakin nanna rinhsanh. Va zauh ding leh va pal ding khawm nan duh thlo le, sikhawmsele LALPA nih a nawmh awt. Chun nan in sungkhur ah a ngâksia dauh mi tla Jerusalem ah um rih mi tla chu râltuknâk ah thah hen an um lai.

EZEKIEL 24:25

LALPA nih, “Tuah, thikho mi minung, Biakin bir tak anna zûm phahnâk leh anna lâwmnâk, an zauh zûn mi leh pal ding an duh mi chu ka lâk piak ving na awt. An fanu leh an fapa tla khawm ka lâk piak ving na lai.

HOSEA 6:7

“Adam ram ah an lût kâ hen anmah hen thudântuk ka siam mi chu an buar.

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

1 TIMOTHE 2:14

Chun, Adam chu perpet hen a um lo le, nunau lam chu perpet hen a um le, buarnâk ah a tlû rawh.

JOSUA 7:21

“Thil kan tleih mi Babulon kawrfual dawh tak pakhat, tangkasa kilogram nih ding, ngûn a rih lei kilogramme khing ka muh. Thungâi ka duh le ka lâk. Ka puanin kiangah ka phûm le, a tanglei ah mi tangkasa hen nan tawng lai,” a ti.

1 JOHAN 2:16

Laikulh ah thil a um mi zawzawng, taksa duhnâk tla, mit duhnâk tla, dam kar rokualnâk tla hi Pa thawk hen suak asi lo, laikulh thawk hen suak asi dauh.

LÂIRÊL 14:17

Puai tuah kar ni sarih sung zawzawng chu a ṭap koro a ṭap. Sikhawmsele a ni sarih ni ah chun chu thu har umzia chu a ngiar êu ruangah a simh rawh. Churawhchun, anih nih Philistia mi rangah a simh na.