GENESIS 3:20 - Bawm Common Language Bible Version

²⁰ Adam nih a nupi chu Evi ti hen a min a sak, minung zawzawng nu asi ruangah.

GENESIS 3:20 ပူးပေါင်းရင်းမြစ်များ

GENESIS 16:11

Fapa na nei lai le, a min ah Ismael na sak lai, na ngaihsia ruangah na ṭap mi hâu LALPA nih a theih ruangah.

GENESIS 2:20

Churawhchun, minung nih chun ramsa leh vâ tla chu an min a phuah na; sikhawmsele amah ṭangpi ding hen pakhat khawm hâwikawmh ṭha an si lo.

GENESIS 2:23

Chun minung nih chun, “A dawnghchem ah, hinah keimah hâwitê -- ka ruh leh taksa thawk hen siam mi a um. Mipa thawk hen siam mi asi ruangah a min chu ‘Nunau’ asi,” a ti.

GENESIS 3:21

Chun, LALPA Pathian nih Adam leh Evi rangah ran vun hen puan a siam piak na le, a aih na.

GENESIS 35:18

Sikhawmsele, a chelh lo vima le, a thi awt ko rawh, a fapa min chu Benoni a sak ta, a pa lam nih chun Benjamin ti hen a sak.

GENESIS 5:29

“Hi fa nih hin Pathian siatbarh tual lakah hamh tak hen rian kan ṭuan mi chu thawsuaknâk hawng kan pêk lai rawh,” a ti le, churawhchun a min ah Noa a sak.

EXODUS 2:10

Chu nûnah chun ngâksia chu a hawng lian tâwk ual rawh le, lalchem fanu sinah a kalpi, anih nih amah fa rangah a nei rawh. A thinlung hen, “Tî lakah mi ka lâk ruangah a min ah Mosi ti hen ka sak lai,” a ti.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

THILTI 17:26

Chun, tual tlûn zawzawngah um ding hen phûr munkhat ver hen phun kip minung a siam le, an rangah tik a ruat le, an umnâk ding rî khawm a siam le,

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

1 TIMOTHE 2:13

Adam chu siam masa chem asi le, chu nûnah Evi chu siam asi.

1 SAMUEL 1:20

Churawhchun, a râi le, fapa a ring. A min ah Samuel a sak. “Amah ruangah LALPA ka ngiar mi asi,” a ti le, a simhfiang.