GENESIS 3:19 - Bawm Common Language Bible Version

¹⁹ Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.

GENESIS 3:19 ပူးပေါင်းရင်းမြစ်များ

GENESIS 18:27

Abraham nih, “LALPA, râlṭha tak hen na sinah thu ka sim vima mi hi zângfahtê hen a ngaihzia hawng ka thiam piak, kei chu minung salam kasi le, zeikhawm sim khonâk ka nei lo.

GENESIS 2:7

Chun, LALPA Pathian nih tual ah mi valei tâwm a lâk le, mipa a siam; chun a nârkua lakah nungnâk pêktu thâw a khumh le, chu minung chu a nung rawh.

GENESIS 23:4

“Ramdang minung nan sinah um mi kasi le, ka nupi ka vûi khonâk ding hen mun hawng ka zuarh u,” a ti na.

GENESIS 3:18

Ling leh bua tla a zan lai le, mâng ah a kho mi tla na ei lai.

GENESIS 5:5

chun kum 930 a tling ah a thi rawh.

JOB LASUIBU 1:21

“Ka nu pawsung thawk hen takkaro hen ka hawng suak le, takkaro hen ka thi lai. LALPA nih hawng ka pêk le, tuah a lâk rawh. A min chu sawr hen um seh!” a ti.

JOB LASUIBU 10:9

Sunhtlung valei hen na ka siam mi chu theih le, valeidip ah na ka siam awt nawlh ma?

JOB LASUIBU 19:26

Ka taksa hi râi nih a ei hep nûn khawm ah taksa ah ka um liau hin Pathian chu ka muh lai.

JOB LASUIBU 21:26

Sikhawmsele, bang khap hen thi hen vûi an si, tholung hen tuam pang hen an um.

JOB LASUIBU 34:15

mikip an thi lai le, valei ah anna chang lai.

JOB LASUIBU 4:19

Tual hen a siam mi, valeidip hen thilsiam rannung hâwi hen vei kho mi chu, a zumh ding hen ma na ruat?

SAM 103:14

Zei hen siam kan si ti a theih; valeidip kan si mi khawm a theihkumza.

SAM 104:23

Chun, minung tla chu an rianṭuan ding hen an suak le, zânlei tiang hen an ṭuan.

SAM 104:29

Na hawitâk na chun, an ningṭih; an thaw na lâk piak na chun an thi le, an hawng a sêmnâk valei lîlâ ah an kîr nawlh.

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

SAM 22:15

Ka rawm chu valeidip hâwi hen a châr le, ka lei khawm ka dang ah â bêk ving. Phildip nâwngah thi ding hen na ka mâk.

SAM 22:29

Mi zûm tla chu a sinah an kûn lai; thikho mi minung zawzawng a mâika ah an kûn lai.

SAM 90:3

Minung chu a sinâk ah si nawlh ding hen na simh. Valei ah kîr nawlh ding hen na siam.

THUFING LASUIBU 21:16

Theihnâk ṭha kaltâktu zawng chu thihnâk nih a ngâk na.

THUSIMTU 1:13

Hi laikulh ah thilti hen a um mi tla chu nik hen theihthiam hep ding hen ka tum. Pathian nih kan tlûnah vânduainâk hamhkâi tak a siah.

THUSIMTU 1:3

Na san chu rianṭuan leh thiltinâk ding ah na mang le, zei me na rangah ṭhatvaknâk a um?

THUSIMTU 12:7

Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

THUSIMTU 3:20

Valeidip ah bang cho hen anna chang vevê awt. Chu valei thawk hen suak mi an si vevê le; chu valei lîlâ ah anna chang vevê lai.

THUSIMTU 5:15

Laikulh ah zeikhawm nei lo hen kan hawng lût mi hâwi hen zeikhawm nei lo hen kan suaktâk. Kan rianṭuan ngaih hen zeikhawm kan put kho ding mi a um lo.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

1 KORIN 15:47

Minung masa chem chu tual a mi valei hen siam asi; minung panihnâk chu vân ah mi asi.

EPHESI 4:28

Fîr mang nih chun fîr lah rawh sele, a samphâng mi sinah chun pêk ding a nei khonâk ding hen a kut ah thil ṭha hen a hamh dauh seh.

1 THESALONIKA 2:9

Unau tla, kan rianṭuan hamhzia leh kan rianṭuan dît zia kha nan theih ko kha; nan lakah âukhawm kan rittir na lonâk ding hen a sûn a zân ṭuan hen Pathian Thâwngthâng Ṭha kan simh na tâwn kha.

2 THESALONIKA 3:10

Nan sinah kan um liau khan hi thu hi kan pêk na kha. “Âuzawng nih rianṭuan a duh lo chun ei khawm ei lah seh,” ti hi.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.