GENESIS 3:17 - Bawm Common Language Bible Version

¹⁷ Chun, mipa sinah, “Na nupi thu na ngâi le, ei lah ka nan ti mi theirah kha na ei rawh. Chu na thilti ruangah chun tual chu siatbarh asi rawh. Na dam kar zawzawng ei tawng ding hen hamh tak hen rian na ṭuan lai rawh.

GENESIS 3:17 ပူးပေါင်းရင်းမြစ်များ

GENESIS 3:11

“Takkaro na um mi âunih an simh?” ti hen Pathian nih a deih. “Thing rah ei lo ding kan ti na mi kha nan ei mu?” a ti.

GENESIS 3:18

Ling leh bua tla a zan lai le, mâng ah a kho mi tla na ei lai.

GENESIS 3:6

Nunau nih thing ṭha tak leh rah dawh tak chu a muh le, ei hen hawng fing ding mi chu a chê awt chiam e! ti hen a ruat. Churawhchun, a rah zeimaw mi chu a kawih le, a ei rawh. Chun, a pasal khawm zeimaw mi chu a pêk le, anih khawm a ei rawh.

GENESIS 5:29

“Hi fa nih hin Pathian siatbarh tual lakah hamh tak hen rian kan ṭuan mi chu thawsuaknâk hawng kan pêk lai rawh,” a ti le, churawhchun a min ah Noa a sak.

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

JOB LASUIBU 14:1

Ṭangpi herh leh chak lo hen suak mi ver kan si. Kan damsung ni tla khawm ah nawknâk â bang ver.

JOB LASUIBU 21:17

Misual chêunâk hi a veih dah tâwn ma? Pakhat tal nih siatnâk an tawng dah tâwn mazei?

SAM 127:2

Nungnâk ding hen hamh tak a rianṭuan, zîngte thawk leh tlâi tak hen it khawm zeikhawm asi lo. LALPA nih amah dâwttu tla an it liau khawm ah a âwva na ruangah.

THUSIMTU 2:11

Hamh tak hen thil ka ti mi zawzawng ka ruat chiam le, zeikhawm a ṭhatnâk a um lo ti ka theih. Zeikhawm chawhchân lo mi thli ṭhâwl mi hâwi cho asi.

THUSIMTU 2:17

Churuangah nung hi ka rang chun zeikhawm asi lo, thil ka lakah a hawng tlung mi zawng chu zeikhawm asi lo, lawksawngnâk hep asi ruangah. A ektê hen zeikhawm asi lo le; thli ṭhâwl mi kasi ko.

THUSIMTU 5:17

Mûi nâwngah ngaihsiat hen, dî hen, thinthawk hen leh damlo hen kan um.

MATHAI 22:12

chun, a sinah, ‘Kâwi, zeizia me umhnâk puan aih lo hen hinah na hawng lût le?’ a ti. Chun, anih chu a dâisip.

MATHAI 25:45

Chun, anih nih chun, an sinah, ‘Thungâi tak hen ka nan simh na, hi bang mi mê chem tla lakah pakhat tlûnah nan ti lo chun ka tlûnah ti lo nan si,’ ti hen, a sâng na lai.

LUK 19:22

Chun, anih nih chun a sinah, “To-aw sual, na hawlhkâ suak ngelchel hen ka nan mawhtir.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

HEBRAI 6:8

Sikhawmsele, ling tla leh bua tla a suah chun zeirang khawm ah a tlâktlâi loh, Pathian siatbarh ṭihnungkâi nâk ah a um le, chun mei hen duah asi lai.