GENESIS 3:16 - Bawm Common Language Bible Version

¹⁶ Churawhchun, nunau sinah, “Na naupâwi hamhnâk leh na fa ringnâk nganfâk ka zualtir lai. Hi hâwi sikhawmsele na pasal duhnâk na nei kumza lai, anih nih na tlûnah thu a nei lai,” a ti.

GENESIS 3:16 ပူးပေါင်းရင်းမြစ်များ

GENESIS 4:7

Thil dik ti le chu na nihsuak ding mi; khawmsele thilsual na ti ruangah sualnâk nih na inkhâr bul ah an bawh ko. Chu sualnâk nih chun na tlûnah thuneih a duh le, chu chu na neh ding asi,” a ti.

1 CHRONICLES 4:9

Minung pakhat a min Jabez, a dawngsung lakah zahkâi chem mi pakhat asi. A suak liauah a tuar fâk tuk ruangah a nu nih a min ah Jabez a sak.

ESTHER 1:20

Churawhchun, na thupêk tla ram pumpi an theih tikah chun nunau kip nih an pasal tla chu a pâm mi khawm a nei mi khawm nih an zah lai rawh,” a ti.

SAM 48:6

Nunau nganfâk tuar nau nei ding mi hâwi hen, thli fâk tak nih timeilawng a râwk hâwi hen,

ISAI 13:8

An ektê hen an lâu lai le, nganfâknâk nih a neh na lai le, nunau nganfâk mi hâwi asi lai. Ningṭih hen anmah leh anmah anna zauh lai le, an mêl chu ningzaknâk hen a mûi lai.

ISAI 21:3

Langhnâk ka muh mi leh theih mi nih nunau a nganfâk mi hâwi hen, nganfâknâk leh ningṭihnâk ka lakah a khattir.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 22:23

Lebanon tlâng thawk hen lâk mi sidar thing tla lakah him tak hen na dîn le; sikhawmsele nunau faring hâwi hen nganfâk nih a nan tlunh tik chun zângfâk na ti awt chiam e!

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 49:24

Damaska khua mi tla chu an dî le, ningṭih ruangah an tek hep. Nunau a nganfâk mi hâwi hen nganfâk tuar leh hamh tak hen an um.

JEREMIA 6:24

Jerusalem mi tla nih, “Thâwng kan theih le, kan bân uai tlek hen kan thlâi le; nunau nauneih nganfâk liau mi hâwi hen lawksawngnâk leh nganfâknâk nih hawng kan denh rawh.

NUMBER 30:13

Zei lak zawng ah a thutiam chu a pasal nih birhtir ding leh lawnh piak ding hen thu a nei.

JOHAN 16:21

Nunau a nganfâk liauah a ngaihsia tâwn, amah tik a tlung rawh ruangah; sikhawmsele, nau a nei rawh chun a lawksawngnâk chu a theih nawlh lo rawh; laikulh ah minung a hawng suak mi chu a lawmh ruangah.

1 KORIN 11:3

Sikhawmsele, mipa vial lû chu Krist asi, nunau lû chu mipa asi, Krist lû chu Pathian asi ti hi nan theih ka duh asi.

1 KORIN 14:34

Kawhmi tla pumhnâk ah chun nunau tla chu dâisip hen um seh; annih lam chu an thusim siang asi loh; Juda dân nih a sim hâwi hen thu zâwt hen um dauh seh.

1 KORIN 7:4

Nupi nih chun amah taksa tlûnah thu a nei lo le, a pasal nih chun thu a nei dauh asi; chu hâwi ber hen pasal khawm nih chun amah taksa tlûnah thu a nei lo, a nupi nih chun thu a nei dauh asi.

KOLOSA 3:18

Nupi le tla, Lalpa lakah a dawh tâwk hâwi vima hen nan pasal le sinah a pumpêk u.

1 THESALONIKA 5:3

“Lungngamnâk leh himnâk ti hen an sim liau takah nunau nganfâk hâwi hen lâkkhat ko ah veihnâk an tlûnah a hawng tlung lai le, an âwl rîlmâl lai loh.

1 TIMOTHE 2:13

Adam chu siam masa chem asi le, chu nûnah Evi chu siam asi.

1 TIMOTHE 2:15

Sikhawmsele lungnâk leh dâwtnâk leh thenhlimhnâk nei hen thinlung rep tak hen nunau chu a um kumza chun fa tla a ring ruangah ruangsuah hen a um lai.