GENESIS 28:3 - Bawm Common Language Bible Version

³ Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 28:3 ပူးပေါင်းရင်းမြစ်များ

GENESIS 1:28

mal a sâwm na le, churawhchun, “Fa tam tak nei ule, nan thlâk tla nih tual tlûn zawzawng luah hen anmah thuneihnâk tangah siah na seh,” a ti. “Ngâ, vâ tla leh ramsa zawzawng tlûnah thuneitu ah ka nan siam.

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 17:20

Ismael thu ah na deihnâk khawm ka theih, churuang chun amah khawm mal ka sâwm lai le, fa tam tak leh thlâk tam tak ka pêk lai. Lal leinih pa ah ka siam lai le, a thlâk tla chu phun rokual tak ah ka siam lai.

GENESIS 24:60

Hi hâwi hen Rebek chu mal an sâwm: Ka farnu, nang hi, nuai tam tak nu hawng si rawh; na thlâk tla nih an mêlma tla khuapi chu neh na seh!” ti hen!

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 27:33

Isak chu a thir le, â nîn hep, chun, hi hâwi hen a ti, “Sa a thah le, buh-an hawng ka pêktu kha âu me si ne? Na hawng lântê khan ka ei ving rawh. Ka malsâwmnâk madung chem ka pêk ving rawh, churuang chun amah nih â ting pawt rawh,” a ti.

GENESIS 35:11

Chun, Pathian nih a sinah, “Kei, Pathian chak zeizawng tikho kasi. Fa tam tak nei le, phun tla chu nangmah thawk hen thlâk mi si seh, nang chu lal tla thlâktu na si lai.

GENESIS 41:52

“Pathian nih ka lawksawngnâk ram ah fa tla hawng ka pêk,” a ti le, a fapa panihnâk chu Efraim a sak.

GENESIS 43:14

Zeizawng tikho Pathian nih lâirêltu dâwt hen an umtir na seh, chu tikah Benjamin leh nan unau dang khawm nan sinah hawng kîr bâk ding hen. Kei lam nih chun ka fa le thlâu ding asi chun ka thlâu ko lai ma chu,” a ti.

GENESIS 48:3

Jakob nih Josef sinah, “Zeizawng tikho Pathian chu Kanaan ram Luz khua ah ka sinah a hawng a langh le, mal a ka sâwm.

GENESIS 48:4

‘Fa tam tak ka nan pêk lai le, churawhchun na thlâk tla chu phun tam tak an hawng si lai; hi ram hi na thlâk le sinah kumleza an tâ siding hen kan pêk lai,’ ” hawng ka ti.

GENESIS 49:25

A nan ṭangpitu chu na pa Pathian asi, Mal a nan sâwmtu Pathian chak chu Vân thawk hen malsâwmnâk ruah an pêktu, Tual tangah tî thûk tak siamtu, Ranrual tam tak leh ngâksia tla malsâwmtu,

GENESIS 9:1

Pathian nih Noa leh a fa tla chu mal a sâwm na le, “Fa tam tak nei ule, nan thlâk tla nih tual tlûn zawzawng khat hen luah na seh.

SAM 127:1

LALPA nih in a sak lo chun, a saktu tla rianṭuan chu a thawt asi. LALPA nih khuapi a vêng lo chun, vêngtu tla chu a thawt cho asi.

SAM 127:3

Fa tla hi LALPA thawk hen thilpêk an si le; malsâwmnâk tatak an si.

EXODUS 1:7

Sikhawmsele, an thlâk tla Israel mi tla chu fa tam tak an nei vima le, thungâi an pung hen an chak le, Aigupta ram an khat rawh.

EXODUS 6:3

Abraham, Isak leh Jakob sinah Pathian zeizawng tikho si hen ka langh le, sikhawmsele, LALPA keimah min hen thenhlimh tak hen chun an sinah ka theihtir lo.

2 KORIN 6:18

Nan rangah Pa kasi lai le, nannih khawm ka rangah fanu fapa nan si lai, Lalpa zeizawng tikho nih chun a ti,” ti hen, a sim hâwi khan.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

RUTH 2:4

A nehnûnah chun Boaz khawm chu Bethlehem thawk hen a hawng le, rianṭuantu tla chu chibai a bûk na, “LALPA nan sinah um seh,” a ti na. Annih nih an sâng le, “LALPA nih mal an sâwm seh,” an ti.