GENESIS 28:22 - Bawm Common Language Bible Version

²² Hi theihkumzanâk lung ka phun mi hi nangmah sawnhnâk mun ding a hawng si lai le, na ka pêk mi thil zawzawng lakah mi parâ lû pakhat ka nan pêk lai,” ti hen.

GENESIS 28:22 ပူးပေါင်းရင်းမြစ်များ

GENESIS 12:8

Chu nûnah chun Bethel khuapi saklei tlâng ram ah â ṭhial le, chunah chun um mun a khuar. Thlanglei ah Bethel a um le, saklei kângah Ai khua a um. Chunah khawm chun mâichâm a siam le, LALPA a sawnh.

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

GENESIS 21:33

Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh.

GENESIS 28:17

A ṭih le tihin a ti, “Hi mun hi ṭihnung a kâi a! Pathian in asi ding asi; vân kawtkâ â awng mi ma hi a!” a ti.

GENESIS 33:20

Chunah chun mâichâm a siam le, a min ah Israel Pathian min suangkhâng hen ‘’El-Elohe’’ a ti.

GENESIS 35:1

Pathian nih Jakob sinah, “Bethel ah va kal sawm le, chunah chun va um rawh, na unaupa Esau thawk hen na tek liauah, na sinah Pathian â langhnâk mun ah mâichâm va siam rawh,” a ti.

GENESIS 35:7

Chunah chun mâichâm a siam le, “El-Bethel’’ (Bethel Pathian) ti hen min a sak, a unaupa thawk hen a hawng tek liauah chunah amah Pathian tak â langh ruangah.

GENESIS 47:24

Fâng zûn tikah anrang nga ṭhen hen anrang khat chu lal sinah nan pêk ding asi. A dang vial chu fachî rang leh nan dâwngsungkhur rangah si seh,” a ti.

GENESIS 47:26

Churuangah, Josef nih an fâng neih zat anrang nga ṭhen hen anrang khat lalchem sinah pêk ding hen dân a siam piak na rawh. Hi dân hi tûtiang hen bir tak hen an nei kumza. Bâwlpû mun cho lalchem tâ asi lo.

MALAKI 3:10

Tî-râwl tam tak um kho ding hen Biakin ah parâ lû pakhat hawng put u. Hawng ka nik ule, vân langawtkawt ka awng lai le, thil ṭha chikip tam tak ka hawng thlêt mi nan muh lai.