GENESIS 28:20 - Bawm Common Language Bible Version

²⁰ Churawhchun, Jakob nih LALPA sinah thutiamnâk a nei: “Ka khualtlâwngnâk ah ka sinah na um hen na ka zauhkhenh awt vima chun buh leh nipuan khawm hawng ka pêk hen,

GENESIS 28:20 ပူးပေါင်းရင်းမြစ်များ

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 31:13

Kei chu Pathian, Bethel ah na sinah â langh mi kha kasi. Theihkumzanâk lung lakah sariak na tawih le, ka sinah ap hen thu na tiamh mi kha kasi. Tuah na suaknâk ram leiah kîr ding hen a tîm rawh!” a ti.

GENESIS 35:3

Hi mun hi kan mâk awt rawh le, Bethel ah kan kal lai rawh; chu ni ah ka lawksawngnâk hawng ka ṭangpitu leh ka kalnâk zawng ah ka sinah um tâwn mi Pathian rangah mâichâm ka siam awt,” a ti.

2 SAMUEL 15:8

Siria ram ah Gesur ah ka um liauah LALPA nih Jerusalem ah hawng ka ruai nawlh asi chun Hebron ah ka sawnh lai ti hen ka tiamh ruangah,” a ti.

1 CHRONICLES 4:10

Jabez nih Israel Pathian sinah thla a cham le, “Pathian, mal hawng ka sâwm le, ram tam tak hawng ka pêk. Nganfâk hawng ka pêktu ding mi sualnâk zeizawng lakah hawng ka vêng le, ka sinah um rawh,” ti hen. A deih mi hâwi hen Pathian nih a pêk.

SAM 116:14

A mi tla pumhnâk ah a sinah thu ka tiamh mi chu ka pêk lai.

SAM 116:18

Na mi zawzawng pumhnâk Jerusalem ah na Biakin thenhlimh ah na lakah thu ka nan tiamh mi chu ka nan pêk lai. LALPA chu sawr u!

SAM 119:106

Ka thutiam chu na sîntirnâk rep zûl ding hen ka kil thlir lai.

SAM 132:2

Jakob Pathian Chak, nangmah sinah thu a tiam mi leh LALPA sinah siat a sirh mi chu theihkumza rawh:

SAM 22:25

Pumhnâk tling tak lakah na thilti ruangah ka nan sawr lai le, a nan sawnhtu mâika ah ka tiamh mi bâwlnâk ka ap lai.

SAM 56:12

Pathian, thu kan tiamh mi hâwi hen kan pêk lai;

SAM 61:5

Pathian, ka thutiam tla chu na theih le; nangmah a nan zahtu tla tâ chu na ka pêk.

SAM 61:8

Thu ka nan tiamh mi nisiar ka nan ap liauah la sak hen kan sawr kumza lai.

SAM 66:13

Na in ah duah mi bâwlnâk ka hawng put lai le, ka tiam mi hâwi hen ka nan pêk lai.

SAM 76:11

LALPA na Pathian rangah na tiamh mi chu pêk rawh; a kiangkam ah phun zawzawng tla a sinah thilpêk hawng put u. Pathian nih minung tla amah ṭih ding hen a siam na;

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

JOHAN 1:16

A rangtlingnâk kanna ting chiau, zângfah nûnah zângfah singsuannâk hen,

THILTI 18:18

Chun, chu nûnah chun Pawl chu ni sâwt tak a châm ko le, Churawhchun, unau tla chu hâwlh ṭha hen a ṭhen na le, chu thawk hen Priskili leh Akuila hen Siria ram leiah lawng hen a kal rawh. Pawl nih thutiamh a nei ruangah Kenkriai khua ah a lû a mêt ta.

1 TIMOTHE 6:8

Sikhawmsele ei ding leh aih ding nei hen, chubang lakah chun kan lungâwi lai.

1 SAMUEL 1:11

Hanah nih thutiamnâk bir tak hen a siam, “LALPA, zeizawng tikho, na to-aw hi hawng ka zauhnik, ka lawksawng zia hi hawng ka zauh le, theihkumza, hawng ka philh rîlmâl lah! Fapa na ka pêk chun a dam sung zawzawng na sinah pêk ding hen leh a sam mêt lo thlo ding hen thu ka tiam,” a ti.

1 SAMUEL 1:28

Churuangah LALPA sinah amah chu ka pêk, a dam sung zawng LALPA tâ siding hen,” a ti.

1 SAMUEL 14:24

Israel tla chu an sungvâng tuk le, an uai thlo. Saul nih Pathian sinah thutiamnâk nei hen, “âuzawng ka mêlma lakah phû ka lam lânah buh eitu chu siatbarh hen um seh,” ti hen thu a tiamh ruangah. Churuangah âukhawm nih nî tlâk hen zeikhawm an ei loh.