GENESIS 28:18 - Bawm Common Language Bible Version

¹⁸ A thâituan zîng ah Jakob chu a thawk le, â tlinh mi lung chu a lâk le, theihkumzanâk ding hen a phun. Pathian sinah ap ding hen oliv sariak a tawih.

GENESIS 28:18 ပူးပေါင်းရင်းမြစ်များ

GENESIS 21:14

A thâituan zîngtê ah Abraham nih Hagar chu buh leh savun tî dûr tî khat phak mi a pêk. A dunglei ah a fa chu a pâwktir le, a kaltir rawh. Hagar chu a kal le, Bersheba ramkaro ah a vâi lemang.

GENESIS 22:3

A thâituan zîngtê ah Abraham nih a bâwlnâk rangah thing châr a khawmh le, sanatung a phurhtir le, Isak leh a to-aw panih chu a sinah a put na. Pathian nih a simh mi mun ah chun kal ding anna thawh rawh.

GENESIS 28:11

Nî tlâk rawp ah mun thenhlimh a va tlung le, chunah um mun a khuar. Lung â sanhtling le, a it rawh.

GENESIS 31:13

Kei chu Pathian, Bethel ah na sinah â langh mi kha kasi. Theihkumzanâk lung lakah sariak na tawih le, ka sinah ap hen thu na tiamh mi kha kasi. Tuah na suaknâk ram leiah kîr ding hen a tîm rawh!” a ti.

GENESIS 31:45

Jakob nih lung a lâk le, theihkumzanâk ding hen a phun.

GENESIS 35:14

Pathian hen anna sâwnnâk mun ah theihkumzanâk lung Jakob nih a phun le, uain leh oliv sariak a tawih le, a ap rawh.

GENESIS 35:20

Jakob nih theihkumzanâk ding hen lung a phun le, tûtiang hen Rakel thlân ti singsiahnâk a um.

2 SAMUEL 18:18

Absalom nih a dam liauah amah ruangrûl ah Lal Tivakuam ah lung a phun, a min thâwntu a nei lo ruangah. Chu mi lung ah chun amah min a rîn le, tutiang hen “Absalom Theihkumzanâk lung” an ti.

SAM 119:60

Na thupêk tla zûl ding hen ka nam.

THUSIMTU 9:10

Na thilti zeizawng lakah hamh tak hen ṭuan rawh, hi laikulh thihnâk ah chun, thilti, thinlung dawn, theihhâk tla, finghnâk a um awtlo rawh ruangah; chunah chun nang khawm kal ding mi na si.

ISAI 19:19

Chu tik chun, Aigupta ram ah LALPA mâichâm a um lai le, LALPA sinah ap mi lungphun Aigupta ramri ah a um lai.

NUMBER 7:1

Chu ni ah chun Mosi nih LALPA umnâk Puanin zeizawng a timhtuah thluh rawh chun, Puanin leh a thuamthil zawzawng, mâichâm leh a thuamthil zawzawng sariak buaih hen a ap.

JOSUA 4:9

Chun, Josua nih Jordan Va lâi ah bâwlpu tla nih Thudântuk Bâwm an zawnh le, an dîrnâk mun ah lung leinih a pawng. (Chu lung tla chu a um ko rih.)

1 SAMUEL 7:12

Churawhchun, Samuel nih lung a lâk le, Mizpah leh Shen karah a pawng le, “Lampi tluan hen LALPA nih hawng kan ṭangpi,” a ti. Churawhchun, a min ah “Ṭangpinâk Lung” (Eben-ezer) ti hen min a phuah.