GENESIS 28:12 - Bawm Common Language Bible Version

¹² Mang a manh le, leilâk tual thawk hen vân sunh khet mi a muh, chu lakah chun vân minung tla ṭum leh kâi mi a muh.

GENESIS 28:12 ပူးပေါင်းရင်းမြစ်များ

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 15:12

Nî a hawng tlâ rawh chun, Abram chu a it thlit le, a lakah thil ṭihnungkâi leh lâukâi tak a hawng um.

GENESIS 20:3

Zân khat chu a mang ah Pathian â langh le, “Hi nunau na lâk mi ruangah na thi lai, pasal a nei mi asi,” a ti.

GENESIS 41:1

Kum nih nûnah, Aigupta lalchem nih mang a nei le, Nile Tiva kiangah a mang leiah a dîr le,

1 Lal 19:5

Thing tangah a zâu le, a it rawh. Vânmifial nih lâkkhatko ah a hawng tawngh le, a sinah, “Thawk le, buh ei rawh,” a ti.

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

DANIAL 7:1

Babulon lalchem Belsazar a lal kum a kum khatnâk ah zân ah langhnâk ka muh,

NUMBER 12:6

churawhchun LALPA nih, “Thu ka sim ding mi hi ngâi u, nan sinah khuavâng an um liauah an sinah Keimah tak ka langh le, mang leiah an sinah thu ka sim.

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 2:19

Sikhawmsele, Herod chu a thi nûnah, ngâinik, Lalpa vânmifial Aigupta ram ah chun Josef sinah a mang ah â langh le,

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

HEBRAI 1:1

A lânah Pathian nih kan thlâktu tla sinah vei tam tak leh kâng tam tak hen khuavâng tla mang hen thu a sim le,

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.