GENESIS 27:29 - Bawm Common Language Bible Version

²⁹ Phun tla chu na to-aw si na sele, mi tla chu na mâika ah kûn na seh. Na unau tla zawzawng tlûnah lâirêltu si rawh, na nu thlâk tla chu na mâika ah kûn na seh. Siat an barhtu chu siatbarh hen um na seh, mal a nan sâwmtu chu malsâwm hen um na seh,” a ti.

GENESIS 27:29 ပူးပေါင်းရင်းမြစ်များ

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

GENESIS 25:33

Jakob nih, “Kan pêk lai, ti hen a masa hen siatsirh tâ rih,” a ti. Esau nih siatsirh hen a fa tîr sinâk Jakob sinah a pêk rawh.

GENESIS 27:30

Isak nih mal a sâwm mi chu a lîm le, Jakob kal kâ hen, a unaupa Esau mâng a tâwi mi a hawng tlung.

GENESIS 27:37

Isak nih a sâng le, “Anih chu na hotu rangah ka siam ving rawh, a unau tla zawzawng khawm a to-aw ah ka siah ver na rawh; fâng leh uain khawm ka pêk hep rawh. Tuah chun, ka fapa, nang rangah zeikhawm ti kho ka nei lo rawh,” a ti.

GENESIS 27:40

Nangmah riamnâm hen na nung lai le, Na unaupa to-aw na si lai; Na hel tikah a thu tangah na um mi chu na suak teh lai,” a ti.

GENESIS 37:10

A pa rangah a mang chu a simh le, a pa nih a fâi le, “Chubang chu zei mang mesi? Na nu leh na unau leh kei nih a nan mâimûk ding hen ma na ruat?” a ti.

GENESIS 37:7

Kan ektê hen fâng kan têl le, phâisen ah kan um hep, ka fângtêl chu a hawng a tung le, a dîr dan. Nan fângtêl nih a kulh dak le, mâi an mûk chiau,” a ti.

GENESIS 9:27

Japhet chu Pathian nih pungtir seh! Sem mi le tla sinah a thlâk tla chu um na seh! Kanaan chu Japhet sal si seh!” a ti.

1 Lal 22:47

Edom ram nih chun lal a nei lo le, Juda lal nih a ruat mi lâirêltu nih lâi a rêl.

1 Lal 4:21

Solomon lalram chu Eufretis tiva thawk hen Philistia ram leh Aigupta ramri tiang asi. A damsung zawzawng chu a sinah siah an pêk le, amah tangah an um hep.

1 CHRONICLES 5:2

Juda phun chu phun zawzawng lâirêltu ding leh chak chem siding hen pêk asi.)

SAM 72:8

A lalram chu tipi thawk hen khatlei tipi tiang si seh, Eufretis thawk hen tual dawnghnâk tiang si seh.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 60:12

Sikhawmsele, na nâwl zulh duh lo phun tla chu veih dep an si lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

NUMBER 23:8

Pathian nih siatbarh lo hen kei nih zeitin ka barh kho lai, LALPA nih vânduainâk a pêk na lo mi chu kei nih zeitin vânduainâk thu ka sim kho lai?

NUMBER 24:18

Edom ram ah mi a mêlma tla chu a neh na lai le, An ram chu amah nih â ting lai. Israel tla nehtu an si kar vial chun.

NUMBER 24:9

Chu phun chu chakeibaknei chak tak hâwi asi le, A it liauah âukhawm nih an thawh ngam lo. Âuzawng Israel malsâwmtu chu malsâwm hen a um lai le, Âuzawng Israel siatbarhtu chu siatbarh asi bâk lai,” a ti.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 25:45

Chun, anih nih chun, an sinah, ‘Thungâi tak hen ka nan simh na, hi bang mi mê chem tla lakah pakhat tlûnah nan ti lo chun ka tlûnah ti lo nan si,’ ti hen, a sâng na lai.

ROM 9:12

“A upa dauh mi nih a ngâksia dauh mi rian a ṭuan lai,” Pathian nih a ti kha. Pathian lasui thu nih,

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.