GENESIS 26:8 - Bawm Common Language Bible Version

⁸ Isak chu chunah sâwt ual a um rawh chun, Abimelek nih a langawtkawt thawk hen a zauh le, Isak leh Rebek anna dâwt zia a muh na.

GENESIS 26:8 ပူးပေါင်းရင်းမြစ်များ

GENESIS 26:7

Chunah mi tla nih a nupi thâwngthâng an deih le, “Ka farnu,” a ti. Chu ram mi tla nih a nupi Rebek mêlṭha tak an duh ruangah an thah lai ti a ṭih ruangah ka nupi a ti ngam lo.

GENESIS 26:9

Abimelek nih Isak sinah mi a fial le, hi hâwi hen a ti, “Na nupi asi ko mi! Zei rangah ka farnu na ti zia?” a ti. Anih nih, “Ka nupi ka ti chun nan ka thah lai ti ka ruat ruangah,” ti hen a sâng.

THUFING LASUIBU 7:6

Veikhat chu ka in langawtkawt ah ka chuanh le, tlangvâl theihthiamnâk nei lo mi ka muh na le,

THUSIMTU 9:9

Nungnâk zeikhawm silo mi na duh mi nunau hen na dam sung zawng ah nuamchên chu Pathian nih hi laikulh ah a nan pêk mi asi. Zeikhawm silo mi ni tla ah chun a lâwm le, chu chu na lawksawngnâk ding hen na tawng ding mi asi ruangah.

LA TLA LA 2:9

Hawng ka duhtupa chu sakhi chaltuai leh sazuk chaltuai hâwi asi. Chunah mi kulh kiangah a dîr, langawtkawt ah â chuan le, châichêng kâk thawk hen a bih.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

LÂIRÊL 5:28

Sisera nu nih langawt kawtkâ thawk hen a chuanh ko, châichêng vâm thawk hen a bih ko. “A kari chu a hawng tlung tlâi chiam e?” a ti. “Zei rangah a rang tla khawm ti ti hen an fûm?” a ti.