GENESIS 26:4 - Bawm Common Language Bible Version

⁴ Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 26:4 ပူးပေါင်းရင်းမြစ်များ

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

GENESIS 15:5

LALPA nih lênglei ah a suakpi le, a sinah, “Vân lei khi zauh le, ârfi tla khi rêl nik, khi zat khin na thlâk tla chu tam tak an um lai,” a ti.

GENESIS 18:18

A thlâk tla chu an hawng rokual hen phun chak tak an hawng si lai le, amah ruangah phun zawzawng tla chu mal ka sâwm na lai.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 35:12

Abraham leh Isak ka pêk mi ram hi ka nan pêk lai le, na nehnûnah na thlâk le tla rang khawm ka pêk lai,” a ti.

GENESIS 47:27

Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh.

1 CHRONICLES 27:23

Lalchem David nih minung kum kul tanglei mi chu a rêl na lo, LALPA nih Israel fa tla chu vân ah ârfi zat hen ka tamtir na lai a ti ruangah.

SAM 72:17

Lal min chu philh hen um lah sele; a min thangnâk chu nî a um kar zawng si seh. Phun zawzawng nih amah sawr sele, Pathian nih mal a sâwm na ding hen deih na sele, Lal rangah lâwptlonâk duh na seh.

EXODUS 32:13

Na to-aw tla, Abraham, Isak leh Jakob theihkumza na rawh. An sinah na thutiam vân ah ârfi zat siding leh zungzâl hen an thlâk tla nih luah ding hen ram na tiamh mi tla theihkumza rawh,” a ti.

EXODUS 6:4

Ramdang mi tla hâwi hen an umnâk Kanaan ram pêk ding mi lak khawm ah an sinah thudântuknâk ka siam.

THILTI 3:25

Nannih hi khuavâng tla leh thutiam fa tla nan si asi; Pathian nih Abraham sinah, Nangmah ruangah laikulh phun kip an thaw a suak lai, ti hen, nan thlâktu tla sinah a tiamh kha.

GALATIA 3:16

Chun, Abraham sinah asi, thu chu tiamh hen a um mi chu, a chi thlâk tla sinah khawm. Mi tam tak thu sim mi hâwi hen, “Chi thlâk tla sinah khawm,” a ti lo le, mi pakhat thu sim mi hâwi hen, “Na chi thlâk sinah khawm” ti asi dauh, chu chu Krist chu asi.

GALATIA 3:8

Chun, Pathian lasui thu nih chun Pathian nih lungnâk ruangah Phundang tla a mawhtir na awtlo ti theihkan hen, “Na lakah phun kip malsâwm piak hen an um lai,” ti hen Abraham sinah Thâwngthâng Ṭha chu a simhkan kha.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.

HEBRAI 11:2

Chu lakah chun tuan ah mi tla nih khan an lungnâk ruangah Pathian sawr an lawh.