GENESIS 26:3 - Bawm Common Language Bible Version

³ Hinah um ko, na sinah ka um lai le, mal ka nan sâwm lai. Hi ram tla zawzawng hi na thlâk tla leh nangmah rangah ka nan pêk lai. Na pa Abraham sinah, thu ka tiamh mi khawm ka theihkumza lai.

GENESIS 26:3 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 13:15

na muh mi zawng chu nang leh na thlâk tla rangah nan tâ si kumza ding hen kan pêk awt asi.

GENESIS 13:17

Tuah kal le, ram pumpi zauh hep, a ektê hen nangmah rangah ka nan pêk awt mi asi ruangah,” a ti.

GENESIS 15:18

Chun, chunah chun LALPA nih Abram sinah thudân a tuk rawh. Hi hâwi hen a ti; “Hi ram hi Aigupta ramri thawk hen Eufretis Tipi tiang na thlâk tla ka pêk rawh.

GENESIS 17:19

Sikhawmsele, Pathian nih, “Silo. Na nupi Sari nih fapa a nan ring piak lai le, a min ah Isak na sak lai. A sinah leh a thlâk tla sinah thudân ka tuk mi chu ka theihkumza lai. Chu chu zungzâl thudântuk asi.

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

GENESIS 20:1

Abraham chu Mamre thawk hen Kanaan simlei Kedes leh Sur karah a va um. A nehnûnah Gerar ah a va um le,

GENESIS 25:11

Abraham thih nûnah Pathian nih ‘Beer-lahai-roi’ (Hawng ka Muhtu a Nung mi Tikhurchawh) ti mi kiangah um mi a fapa Isak rangah mal a sâwm.

GENESIS 26:12

Isak nih chu ram ah chun thlâi a chîng le, a tuh kum ah mi a leh zâ a tawng, LALPA nih mal a sâwm ruangah.

GENESIS 26:14

Dawrâ rual tla leh ranrual tla leh to-aw tla tam tak a nei ruangah Philistia mi nih amah chu an nahsuah rawh.

GENESIS 26:24

Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 28:13

LALPA chu a kiangah a dîr ko. “Kei, LALPA, Abraham leh Isak Pathian kasi,” a ti. “Hi na itnâk ram hi nang leh na thlâk tla rangah kan pêk na lai.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 31:3

Churawhchun, LALPA nih Jakob sinah,”Na pa in leiah na unau le sinah kîr nawlh rawh, na sinah ka um lai,” a ti.

GENESIS 35:12

Abraham leh Isak ka pêk mi ram hi ka nan pêk lai le, na nehnûnah na thlâk le tla rang khawm ka pêk lai,” a ti.

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:21

LALPA chu Josef sinah a um le, mal a sâwm; churawhchun rêngtlâk vêngtu nih a lawmh thlo.

GENESIS 48:21

Churawhchun, Jakob nih Josef sinah, “Na ka muh hâwi hen, ka thih a nâi rawh le, Pathian chu na sinah a um lâi le, an thlâk natu nan pu umnâk leiah an kîrtir nawlh na lai.

GENESIS 50:24

A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti.

1 CHRONICLES 16:16

Abraham sinah thudân a tuk mi leh Isak sinah a thutiam chu.

SAM 105:8

A thudântuk chu zungzâl hen a kil lai, a thutiam chu thlâk sângkhat tiang hen.

SAM 105:9

Abraham sinah a thutiam chu a kil kumza lai, Isak sinah a thutiam khawm.

SAM 32:8

LALPA nih chun, “Na kalnâk ding lampi, ka nan simh lai le; ka nan sîntir hen krai ka nan pêk lai.

SAM 39:12

LALPA, ka thlachamnâk hi theih le, ka âu mi hi ngâi; ka ṭap tikah keimah ṭangpi ding hen hawng. Hawng ka thlâktu tla hâwi hen sâwtlotê karah na rangah khual cho kasi.

EXODUS 2:24

An rûm leh âi hâu theihtu Pathian nih chun Abraham, Isak leh Jakob sinah thu a tiamh mi chu a theihkumza.

EXODUS 3:12

Pathian nih, “Na sinah ka um lai le, Aigupta ram ah mi ka mi tla na hawngpi na tikah chun hi tlângah hin nan ka sawnh lai. Chu chu keimah nih ka nan fial asi ti theihnâk asi lai,” ti hen a sâng.

EXODUS 6:4

Ramdang mi tla hâwi hen an umnâk Kanaan ram pêk ding mi lak khawm ah an sinah thudântuknâk ka siam.

EXODUS 6:7

Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.

EXODUS 6:8

Abraham, Isak leh Jakob sinah ka tiamh thlir mi ram ah ka nan kalpi na lai le; Kei, LALPA nih nanmah tâ si rawh ding hen ka nan pêk na lai,” a ti.

ISAI 43:2

Tî thûk tak na pal liau khawm na sinah ka um lai; na lawksawngnâk nih a nan khuh lai lo. Mei lakah na lan liau khawm ah na kâng lai lo; niknâk fâk tak hawng tlung mi khawm nih nganfâk a nan pêk lai lo.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

DEUTERONOMY 1:8

Hi bang ram zawzawng tla chu Kei, LALPA nih a nan thlâk natu tla, Abraham, Isak leh Jakob leh an thlâk zawzawng tla rangah ka tiamh na mi asi; kal ule, luah u hawng kan ti’ ” a ti.

DEUTERONOMY 34:4

Churawhchun, LALPA nih Mosi sinah, “Hi ram hi Abraham, Isak leh Jakob sinah an thlâk tla rangah pêk ka tiamh mi ram chu asi. Muh lam chu kan muhtir lai le, sikhawmsele, chunah chun kan kaltir awtlo,” a ti.

PHILIPI 4:9

Nan thil sîn tla, nan thil tawng tla, nan thil theih tla, keimah lakah nan thil muh tla khawm kha bang hâwi ti tâwn u; chun lungngamnâk Pathian nih chun a nan umpi na lai.

HEBRAI 11:9

Lungnâk hen ram tiamh ah khan mi ram ah châm mi hâwi cho hen a châm ko le, thutiam munkhat hen ro a tingpi ding mi Isak leh Jakob hen puanin ah an um.

HEBRAI 6:17

Chun, Pathian nih a thutiam rotingtu ding tla sinah chun a thiltum a dangtir kho lo zia theihtir khun duh hen siatsirh hen a birhtir.