GENESIS 26:28 - Bawm Common Language Bible Version

²⁸ Annih nih an sâng le, “Tu chun LALPA na sinah a um ti kan theih le, nang leh kannih karah remnâk bir tak siam ding ṭha kan ti.

GENESIS 26:28 ပူးပေါင်းရင်းမြစ်များ

GENESIS 24:3

LALPA Pathian tual leh vân siamtu min hen siat an sirhtir ding ka duh, hi Kanaan ram mi tla lakah hin ka fapa nupi rangah na thîm lo ding hen.

GENESIS 24:41

Na thutiam lakah na lît ding mi chu kâng khat cho a um: Ka unau tla sinah na va kal hen, na thu an êl asi lam chun na lît asi,’ a ti.

GENESIS 31:44

nangmah hen remnâk thu siam ding ko rawh. Kanna rem rawh ti theihnâk ding ah lung kan tiang lai,” a ti.

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

GENESIS 39:5

Chu thawk hen chun Josef ruangah LALPA nih Aigupta mi dâwngsung leh a thilneih zawzawng, phâisen mi leh in lei mi khawm mal a sâwm piak.

2 CHRONICLES 1:1

Lalchem David fapa Solomon nih chun, Israel lalram chu bir tak hen a zauhkhenh le, LALPA, a Pathian nih mal a sâwm le, thiltikho tak hen a siam.

2 CHRONICLES 15:9

Asa sinah LALPA a um ti an muh ruangah Efraim, Manaseh, Simeon ram ah um mi tla chu Asa sinah an hawng le, a ram sungah an um. Asa nih Juda leh Benjamin mi zawzawng chu a kawh na.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 61:6

Nannih lam chu LALPA bâwlpu, Kan Pathian to-aw ti hen theih nan si lai. Phun tla neih lakah nanna lâwm lai le, Nan tâ si hen zûm phahnâk ah nan mang lai.

ISAI 61:9

Phun tla lakah an min a thang lai le; Mikip anmah muhtu tla nih mal ka sâwm na mi Minung tla an si ti an theih lai,” a ti.

ROM 8:31

Chubang thu lakah chun zei me kan sim lai ne? Pathian kan leiah â ṭang chun âunih me hawng kan do kho lai?

1 KORIN 14:25

Chun, bawkbukhup hen mâi an mûk lai le, Pathian nan lakah a um ti a phuang lai.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

HEBRAI 6:16

Minung nih siat anna sirh chun anmah ngâk hen rokual dauh mi sâl hen siat anna sirh tâwn asi; anna êlnâk kip khawm ah birhtirnâk ding hen siatsirh hi thu dawnghnâk asi tâwn.

JOSUA 3:7

LALPA nih Josua sinah, “Tusûn ah ka thilti ding mi chu Israel mi tla nih mi rokual tak hâwi hen nangmah zah anna dawmhnâk ding asi, Mosi sinah ka um mi hâwi hen nang sin khawm ah ka um ti an theih lai rawh.

1 SAMUEL 11:1

Thla khat nûnah Amon lalchem Nahas nih Gilead ram ah mi Jabes ramri leiah a kawrsen tla a kalpi na le, khua chu an hual. Jabes mi tla nih Nahas sinah, “Kanmah hen remnâk siam le, kan lâirêltu ah kan mang lai,” an ti.

1 SAMUEL 18:28

Saul nih David sinah LALPA a um mi leh a fanu Mikal nih David chu a dâwt tatak ti a theihfiang rawh.