GENESIS 26:24 - Bawm Common Language Bible Version

²⁴ Chu zân ah chun a sinah LALPA â langh le, hi hâwi hen a ti, “Kei hi na pa Abraham Pathian kasi, lâu rîlmâl lah; na sinah ka um, ka to-aw Abraham sinah thu ka tiamh mi ruangah mal ka nan sâwm lai le, thlâk tam tak ka nan pêk lai,” a ti.

GENESIS 26:24 ပူးပေါင်းရင်းမြစ်များ

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 15:1

Chu nûn chun, Abram nih langhnâk a muh le, LALPA nih a sawnh mi a theih, “Abram, ṭih rîlmâl lah, vânduainâk ah mi ka nan hum lai le, lâwmman rokual tak ka nan pêk lai,” a ti.

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

GENESIS 21:17

Pathian nih ngâksia ṭap hâu a theih le, vân thawk hen vânmifial nih Hagar sinah, “Hagar, zei rangah ti ti na lawksawng? Ṭih lah. Pathian nih ngâksia ṭap hâu a theih rawh.

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 22:19

Abraham chu a to-aw tla sinah a kîr le, a rual hen a umnâk Bersheba leiah an kîr rawh.

GENESIS 24:12

Thla a cham le, “LALPA, ka pu Abraham Pathian, ka pu sinah na thutiam chu theihkumza le, tusûn ni ah dingchangnâk hawng ka pêk rawh.

GENESIS 28:13

LALPA chu a kiangah a dîr ko. “Kei, LALPA, Abraham leh Isak Pathian kasi,” a ti. “Hi na itnâk ram hi nang leh na thlâk tla rangah kan pêk na lai.

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 30:27

Laban nih a sinah, “Zângfahtê hen thu kâ khat ka sim lai rih; Nangmah ruangah chamchawh hen LALPA nih mal hawng ka sâwm zia ka theih.

GENESIS 31:5

An sinah, “Nan pa chu ka lakah a lungsilo zia ka theih le; sikhawmsele ka pa Pathian chu ka sinah a um.

GENESIS 39:2

LALPA chu Josef sinah a um le, a sul-le-lam tluang tak hen a siam. A hotupa Aigupta ram mi in ah a um le,

GENESIS 39:3

Josef sinah LALPA a um hen thilti zawzawngah dingchangnâk a pêk mi a muh.

GENESIS 46:1

Jakob chu a thil a ri zawzawng a timh le, a pa Isak Pathian sinah â bâwlnâk mun Bersheba ah a kal rawh.

1 Lal 17:13

Elija nih a sinah, “Lawksawng lah, kal le, nan buh ei ding chu va timhtuah ko. Sikhawmsele a masa chem hen na neihlem lakah mi sang tlang metê hen timhtuah masa le, ka sinah hawng put; churawhchun a lei mi vial chu na fapa leh nangmah rangah timhtuah,” a ti.

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 44:2

Kei, LALPA a nan siamtu chu kasi; na suak liau thawk hen ka nan ṭangpi. Nang chu ka to-aw, ka mi thîm ka dâwt mi na si; ṭih lah.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

LUNGFÂKNÂK 3:57

Na ka sâng le, ṭih lo ding hen na ka simh.

LEVITICUS 26:42

Jakob, Isak leh Abraham sinah ka thudântuk leh ka mi tla sinah ram pêk ding hen ka tiamh mi chu ka tharh nawlh lai kati mi chu ka theihkumza lai.

LEVITICUS 26:45

Kei, LALPA an Pathian kasi khonâk ding hen an thlâktu tla sinah phundang tla lakah ka thiltikhonâk langh hen Aigupta ram thawk hen ka suakpi na mi leh ka thudântuk chu ka tharh nawlh lai,” a ti.

LUK 12:32

“Murui tâwm tla, lâu lah u; ram an pêk na mi hi nan Pa lawmhkâng tak asi.

THILTI 7:32

‘Kei na thlâktu tla Pathian kasi, Abraham Pathian, Isak Pathian, Jakob Pathian, a hawng ti. Chun, Mosi chu a thir le, a zauh ngam lo rawh.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 13:6

Chun, râlṭha tak hen, “Lalpa chu hawng ka ṭangpitu asi, ka lâu lai loh; minung nih zeitin a ka ti kho lai,” kan ti tâwn asi.

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

RUTH 3:11

Tuah lawksawng lah Ruth, na ka deih mi zawng ka nan ti piak lai. Hi khua lakah mikip nih nunau ṭha na si zia an theih.