GENESIS 26:12 - Bawm Common Language Bible Version

¹² Isak nih chu ram ah chun thlâi a chîng le, a tuh kum ah mi a leh zâ a tawng, LALPA nih mal a sâwm ruangah.

GENESIS 26:12 ပူးပေါင်းရင်းမြစ်များ

GENESIS 24:1

Abraham chu thungâi a tar rawh le, thil a ti mikip LALPA nih mal a sâwm piak.

GENESIS 24:35

“LALPA nih ka pu nei tak hen mal a sâwm. Dawrâ rual tla, kêl tla, ranrual tla, ngûn tla, tangka tla, salnu leh salpa tla, sangâwngsâu leh sanatung tla a pêk.

GENESIS 25:11

Abraham thih nûnah Pathian nih ‘Beer-lahai-roi’ (Hawng ka Muhtu a Nung mi Tikhurchawh) ti mi kiangah um mi a fapa Isak rangah mal a sâwm.

GENESIS 26:29

Kannih nih nganfâk zeikhawm kan pêk lo mi hâwi hen nang khawm nih hawng kan pêk bâk lo ding hen thu na tiam ding kan duh,” an ti. “Na lakah khua kan ruat le, thlangam tê hen kan kaltir le, tu chun LALPA nih mal an sâwm tak ti a lang,” an ti.

GENESIS 26:3

Hinah um ko, na sinah ka um lai le, mal ka nan sâwm lai. Hi ram tla zawzawng hi na thlâk tla leh nangmah rangah ka nan pêk lai. Na pa Abraham sinah, thu ka tiamh mi khawm ka theihkumza lai.

GENESIS 30:30

A lânah ka hawng liau chun tâwmtê na nei le, tu chun ka kalnâk kip ah cherkhet LALPA nih mal an sâwm, tu lam chun keimah thu thu hen um ding asi rawh,” a ti.

JOB LASUIBU 42:12

LALPA nih Job chu a san dih leikângah a tîr mi ngâk hen tam dauh malsâwmnâk a pêk. Dawrâ sâng leili, sangâwngsâu sâng ruk, ran lakah a lupu dauh sâng nih, leh sanatung sâng khat.

SAM 67:6

Ram nih fângzûn ding a suah; Pathian, kan Pathian nih mal hawng kan sâwm.

SAM 72:16

Ram ah chun fâng tam tak um seh; Lebanon tlâng ah a rah duh hâwi hen tlâng tla chu rah hen khat seh. Phâi belh hen a khat mi hâwi hen khuapi chu minung hen khat seh.

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

THUSIMTU 11:6

Zînglei leh zânlei khawm ah chi tuh rawh. Ṭhadektê hen a kho hep lai mawh pakhat tuh mi chu a dang ngâk hen a ṭha dauh awt mawh ti na theih lo.

ZEKARIA 8:12

Thlangam tak hen thlâi tla an chîng lai rawh. An grep zûn tla nih rah a suah lai le, tual nih rah tam tak a suah lai le, ruah tam tak a sûr lai. Hi bang phun tla lakah ka mi thibang tla chu hi zawng malsâwmnâk tla ka pêk na lai.

MATHAI 13:23

Chun, tual ṭha tlûnah vawrh mi chu, thu chu nâ nih theih hen, a ngaihtawnh dân khawm theih hi asi le, chu minung chu a rah taktê le, zeimaw mi a leh zâ hen, zeimaw mi a leh sâwmruk hen, zeimaw mi a leh sâwmthum hen a pung tâwn,” a ti.

MATHAI 13:8

Chun, a zeimaw mi tual ṭha lakah a tlâ le, a zeimaw mi a leh zâ hen, zeimaw mi a leh sâwmruk hen, a zeimaw mi a leh sâwmthum hen lebang a rah rawh.

MARK 4:8

Chun, a zeimaw mi tual ṭha lakah a tlâ le, a kho le, a ṭhang le, a rah rawh; sâwmthum, sâwmruk, zâ lebang hen a pung,” a ti.

1 KORIN 3:6

Kei nih ka phun le, Apolo nih tî hen a châwm, sikhawmsele, Pathian nih a ṭhangtir asi.