GENESIS 24:40 - Bawm Common Language Bible Version

⁴⁰ ‘LALPA, a thu ka ngâi kumza mi nih chun, a vânmifial nangmah sul-le-lam tluangtir ding hen a hawng fial lai. Ka pa unau, keimah mi tak lakah mi ka fapa nupi rangah na tawng piak ding asi.

GENESIS 24:40 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 24:56

To-awpa nih, “Hawng kan thloh lah râu u, LALPA nih ka khualtlâwng dingchang tak hen a siam le; ka pu sinah hawng ka kîrtir ko u,” a ti.

GENESIS 24:7

LALPA, vân Pathian nih chun, ka unau umnâk ram ah mi, ka pa in thawk hen a hawng ka lâk mi asi. Hi ram hi ka thlâk tla pêk ding hen thu bir tak hen hawng ka tiamh rawh. Churuangah chunah mi chu ka fapa nupi rangah na tawng piak kho ding hen, anih nih chun a vânmifial na mâi leiah a fial lai.

GENESIS 48:15

Churawhchun, Josef chu mal a sâwm rawh: “Ka pa Isak leh ka pu Abraham nih a rian an ṭuan piak mi Pathian nih hi ngaksia tla hi malsâwm na seh! Tusûn ni tiang ah hawng ka ruitu Pathian nih malsâwm na seh!

GENESIS 5:22

Chu nûnah chun Enok chu kum 300 ding Pathian hen anna kâwm le, fa dang tla a nei.

GENESIS 5:24

A dam kar chu Pathian hen kawmhnâk ah a mang, churawhchun Pathian nih a lâk ving ruangah muh kho asi lo rawh.

GENESIS 6:9

Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

1 Lal 3:6

Solomon nih a sâng le, “Ka pa David na to-aw lakah na dâwtnâk rokual tak na langhtir kumza le, nang hen nanna tlâinâk thu ah a ṭha hen zumh a kâi le, na dâwtnâk rokual tak tla chu langh vima hen tusûn ni ah a mahmun luah hen lâirêltu ding fapa tla pêk mi keimah lakah hin na dâwtnâk a dawnglo.

1 Lal 8:23

“Israel LALPA leh Pathian, tlûnlei mi vân ah leh tanglei mi tual ah nang hâwi hi pathian dang âukhawm an um lo! An thinlung zawzawng hen na lakah ê-aw ngâi tak hen an um liauah chun thu na tiamh na mi hâwi hen an lakah na dâwtnâk na langh tâwn.

2 Lal 20:3

“LALPA, zumhkâi tak hen leh ṭih tak hen na rian ka ṭuan le, ti ding hen na ka duh mi lakah chun ti ngelchel ding hen ka tum kumza mi kha theihkumza rawh,” a ti. Chun ngaihsia tak hen a ṭap rawh.

SAM 1:3

Annih chu tinung va kapah thing a kho mi, A tik tê ah rah tâwn mi, a nah khawm châr dahlo mi hâwi an si; An thilti zeizawng ah anna dingchang.

SAM 16:8

LALPA mâika ah chun ka thiamthih kumza; ka kiangah a um le, zeikhawm nih hawng ka ninh kho lai loh.

SAM 91:11

Pathian nih a vânmifial tla chu nangmah ruangrûl ah thu a pêk lai, na kalnâk zawng ah a nan zauhkhenh ding hen thu a pêk lai.

EXODUS 23:20

“Nan mâilei ah nan kal liauah an vêng natu ding hen vânmifial ka hawng fial lai le, ka timhtuah mi mun ah a nan kalpi na lai.

EXODUS 33:2

Nanmah an ruai natu ding hen vânmifial ka hawng fial lai le, Kanaan mi, Amor mi, Hit mi leh Periz mi, Hiv mi, Jebus mi tla ka nar hep na lai.

DANIAL 3:28

Lal nih, “Sadrak, Mesak leh Abednego Pathian chu sawr hen um seh. Hi minung tla amah lungtu hum ding hen a vânmifial a hawng fial, ka thupêk khawm an ngâilo le, anmah Pathian lo chu zei pathian khawm an mâimûk lo ruangah an nungnâk chu ruangsuah hen an um.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 22:8

Chun, kei Johan, hi bang thil zawzawng muhtu leh theihtu chu kasi. Chun, chubang thil tla ka muh hen ka theih rawh chun, a hawng ka zauhtirtu vânmifial chu sawnh ding hen a kê bulah ka bawkbukhup rawh.