GENESIS 24:31 - Bawm Common Language Bible Version

³¹ “In leiah hawng ka zûl. Nang hi LALPA nih mal an sâwm mi minung na si. Zei rangah lênglei ah hinah na dîr ko! Ka in ah na rangah mun timhtuah zet hen a um, na sangâwngsâu tla rang khawm mun a um” a ti.

GENESIS 24:31 ပူးပေါင်းရင်းမြစ်များ

GENESIS 18:3

“Pu le tla, zângfahtê hen a dîn lo hen ka in hi lanh lah râm u; hinah nanmah bulsân ding hen ka um ko.

GENESIS 19:2

“Pu le tla, nanmah nâwlzulh ding hen hinah ka um ko. Zângfahtê hen ka in leiah hawng u, Nan kê tla nan ṭâwl lai le, zân khawm nan riak ko lai. Thâizîng zîngtê hen nan thawk lai le, nan kalnâk ding leiah nan kal ko lai,” a ti. “Silo, khuapi sungah kan riak awt ko,” ti hen an sâng.

GENESIS 19:3

A ngiar chiam na le, a nehnûnah chun a in ah an va kal rawh, Lot nih a to-aw tla rangah sang em hen buh-an ṭha tak khual rangah timhtuah ding hen a fial na, An timhtuah rawh chun an ei rawh.

GENESIS 24:30

Laban nih a farnu nâr ah a bunh mi leh a bân ah a ruk mi a muh le, to-awpa nih a sinah thu a sim mi tla khawm a theih. Abraham to-awpa sangâwngsâu kiangah a dîr ko mi leiah tikhurchawh kiangah a va kal le,

GENESIS 26:29

Kannih nih nganfâk zeikhawm kan pêk lo mi hâwi hen nang khawm nih hawng kan pêk bâk lo ding hen thu na tiam ding kan duh,” an ti. “Na lakah khua kan ruat le, thlangam tê hen kan kaltir le, tu chun LALPA nih mal an sâwm tak ti a lang,” an ti.

GENESIS 29:13

Laban nih a tupa Jakob thâwngthâng a theih rawh chun a tawng ding hen a va tek le, a kuah le a châwchawk, chun in ah a lûtpi rawh. Jakob nih Laban chu thil zeizawng chu a simh ver le,

SAM 115:15

Tual leh vân siamtu LALPA nih mal a nan sâwm seh!

THUFING LASUIBU 17:8

Mi zeimaw mi nih nawhnâk chu mit-leh-dâwi thilti hen an ngaih le, zeizawng a tikho ding hen an ruat.

THUFING LASUIBU 18:16

Mi pawimawh tak hen tawng ding na duh ma? Lâwmman pêk le, awl tak hen nanna tawng kho lai.

LÂIRÊL 17:2

A nu sinah, “Âunih mawh na tangka sângkhat leh za a lâk liau khan mifîr rangah hawlh siat na barh. Chu na ti mi chu ka theih rawh. Zauhnik, chu tangka chu ka nei ko. A lâktu kha keimah kasi,” a ti. A nu nih, “Ka fapa! LALPA nih mal a nan sâwm seh,” a ti.

RUTH 3:10

“LALPA nih mal an sâwm seh,” a ti. “Tuah na thilti dân lakah hin dâwngsung nei leh in-le-lo kâu dauh ngâk hen na ninu rangah na zângfahnâk na langhtir. Tuah tlangvâl dang a nei mi mawh a pâm mi mawh khawm na hâwl kho, sikhawmsele chu leikâng chu na awtlo.