GENESIS 24:27 - Bawm Common Language Bible Version

²⁷ “LALPA, ka pu Abraham Pathian chu sawr hen um seh, ka pu sinah zumhkâi tak hen thutiamtu chu. LALPA nih ka pu chik-le-ngerh sinah tluang tak hen hawng ka tlengtir rawh,” a ti.

GENESIS 24:27 ပူးပေါင်းရင်းမြစ်များ

GENESIS 13:8

Abram nih Lot sinah, “Unau kan si ruangah na mi le ka mi tla hi remlo hen an um ding asi lo.

GENESIS 14:20

Chungnungchem Pathian na mêlma lakah nehnâk a nan pêktu chu sawr hen um seh!” a ti. Chun, Abram nih Melkizedek rangah a thil lâk parâ lû ah pakhat a pêk.

GENESIS 24:12

Thla a cham le, “LALPA, ka pu Abraham Pathian, ka pu sinah na thutiam chu theihkumza le, tusûn ni ah dingchangnâk hawng ka pêk rawh.

GENESIS 24:21

To-awpa nih chun, ‘LALPA nih dingchangnâk hawng ka pêk mi mawh asi rawh aw,’ ti hen dâisip hen a zauh ko.

GENESIS 24:4

Ka suaknâk ram leiah na va kal hen, keimah rualsia lakah mi ka fapa Isak nupi rangah na hâwl piak ding asi,” a ti.

GENESIS 24:42

“Tusûn ah tikhurchawh ka hawng tleng liauah thla ka cham le, ‘LALPA, ka pu Abraham Pathian, thil ka ti mi lakah hin hawng ka dingchangtir rawh.

GENESIS 24:48

Ka siksidîr le, LALPA chu ka sawnh rawh. LALPA, ka pu Abraham Pathian, ka pu unau tla sinah hawng ka ruitu chu, an fanu ka pu fapa rangah hawng ka tawngtirtu rangah ka sawr rawh.

GENESIS 32:10

Na to-aw rangah na vêlneihnâk leh zumh na kâinâk hawng ka tawngtir ding hen ka tlâklo. Jordan va ka kanh liauah chun ṭhianṭhunh pakhat lo chu zeikhawm ka nei lo, tu chun hi bang murui nih hen ka hawng kîr nawlh rawh.

GENESIS 32:11

Ka upa Esau lakah mi ruang na ka suah ding hen ka nan ngiar. A hawng lai le, hawng kan veih dep lai, hi nunau leh ngâksia tla tiang hen ti thungâi ka ṭih.

GENESIS 9:26

LALPA, Sem Pathian chu sawr hen um seh! Kanaan chu Sem sal asi lai.

2 SAMUEL 18:28

Ahimaz chu tual lei kûn hen lalchem rangah chibai a bûk le, “LALPA na Pathian, nangmah lakah heltu tla tlûnah nehnâk a nan pêktu chu sawr hen um seh!” a ti.

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

SAM 68:19

Nisiar hen kan ritphurh phurhtu LALPA chu sawr u; amah chu ruang hawng kan suahtu Pathian chu asi.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

EXODUS 18:10

“LALPA, Aigupta lalchem leh a mi tla lakah mi ruang an suah natu chu sawr hen um seh! A mi tla sal ah tâng mi suah natu LALPA chu sawr hen um seh!

EXODUS 2:11

Mosi chu a hawng lian vima le, a mi Hebrai mi tla va zauh na ding hen a suak le, rian hamh tak an ṭuantir na mi a muh rawh. Aigupta mi nih amah mi Hebrai minung a thah mi a muh rawh.

EXODUS 2:13

A thâituan ah a kîr leiah Hebrai minung panih anna sual mi a muh na. A diklo dauh mi sinah, “Zei rangah Hebrai minung vevê nanna sual?” a ti.

EXODUS 34:6

LALPA chu a kiangah a hawng le, Mosi rangah a kawh, “Kei, LALPA Pathian, lungkham leh siherhnâk nei mi kasi, mi nunfual leh dâwttu rokual zumhkâi kasi.

THUFING LASUIBU 3:6

Na thiltinâk zeizawng ah LALPA chu theih le, amah nih lampi dik a nan khît piak lai.

THUFING LASUIBU 8:20

Mirep lampi ka zawh le; diknâk lampi ka zûl.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

LUK 1:68

“Lalpa, Israel Pathian chu sawr hen um seh! A mi tla chu a veh le, tlanhnâk a siam piak na.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

EPHESI 1:3

Kan Lalpa Jisu Krist Pathian leh Pa chu sawr hen um seh! Anih nih chun vân mun tla ah khin Krist ah chun thlarau lei malsâwm piaknâk kip hen mal hawng kan sâwm le,

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

RUTH 4:14

Nunau tla nih Naomi sinah, “Nangmah zauhkhenhtu ding ah tupa a nan pêktu LALPA chu sawr hen um seh! Israel lakah ngâksia chu a min thang seh!

1 SAMUEL 25:32

David nih a sinah, “LALPA, Israel Pathian, tusûn ah ka sinah a nan fialtu chu sawr hen um seh!

1 SAMUEL 25:39

David nih Nabal thih thu a theih rawh chun, “Nabal hawng ka siarlotu lakah lehrûl sam ding mi leh thil diklo ti ding mi lakah a to-aw hawng ka humtu LALPA chu sawr hen um seh!” a ti. Chun, David nih Abigail hen umh ding mi thu ah mi a fial.