GENESIS 23:9 - Bawm Common Language Bible Version

⁹ Makpela Pûk hawng ka deih piak ule, chu chu a phâisen kiang tek asi. A man lîm tlak hen pêk hen nan um liauah ka sinah zuar ding hen hawng ka deih piak ule, chu tikah vûinâk mun chu ka ting kho lai,” a ti.

GENESIS 23:9 ပူးပေါင်းရင်းမြစ်များ

GENESIS 23:10

Chu khuapi kulh kawtkâ ah chun Ephron khawm chu Hit mi tla hen tohâwngnâk mun ah a to ko; chunah an um mi zawzawng tla nâ theih hen chun a hawng sâng le,

GENESIS 23:4

“Ramdang minung nan sinah um mi kasi le, ka nupi ka vûi khonâk ding hen mun hawng ka zuarh u,” a ti na.

GENESIS 23:8

“Ka nupi hinah vûi ding hen nan siang tak mi asi chun Zohar fapa Ephron sinah

GENESIS 25:10

Chu phâisen chu Abraham nih Hit mi tla thawk hen a châwk mi asi. Abraham leh a nupi Sari chu chunah an panih hen an vûi na.

GENESIS 49:29

Jakob nih a fapa tla thu a pêk na le, “Tu chun ka mi le tla hâwi hen ka thi bâk awt rawh le, Kanaan ram ah, Mamre saklei ah

GENESIS 50:13

a ruak chu Kanaan ram ah an kalpi le, Abraham nih vûinâk ding ah Hit mi Ephron sin thawk hen a châwk mi Mamre saklei ah phâisen ah mi Makpela pûk ah an vûi rawh.

1 CHRONICLES 21:22

David nih a sinah, “Hi na fâng khâwngnâk mun hi LALPA rangah mâichâm siamnâk ding ah hawng ka zawrh le, râi a lêng mi a reh khonâk ding hen, a man khawm tling ver hen kan pêk lai,” a ti.

1 CHRONICLES 21:24

Sikhawmsele lalchem nih a sâng le, “Silo, a man tling zet hen kan pêk lai. A man pêklo hen chun LALPA sinah ap ding mi thil na tâ zeikhawm a thawt hen ka lâk awtlo,” a ti.

ROM 12:17

Âu sual khawm sual hen rulh lah u. Mi zawzawng ngaih hen thil dawh ruatkan u.

ROM 13:8

A dâwt tawnhnâk cho lo chu âu sin khawm ah zeikhawm a bat lah u; mah minung hâwi dâwttu nih chun Dân chu a zâwt kim rawh asi.