GENESIS 23:4 - Bawm Common Language Bible Version

⁴ “Ramdang minung nan sinah um mi kasi le, ka nupi ka vûi khonâk ding hen mun hawng ka zuarh u,” a ti na.

GENESIS 23:4 ပူးပေါင်းရင်းမြစ်များ

GENESIS 17:8

Hi mun, ram dang mi hâwi a nan umnâk hi na sinah leh na thlâk tla sinah ka pêk lai. Kanaan ram zawzawng hi na thlâk le tla tâ asi kumza lai le, Kei chu an Pathian kasi lai,” a ti.

GENESIS 23:5

Annih nih,

GENESIS 3:19

Siam hen na umnâk valei ah na kîr nawlh lânlo chu, tual nih rah suah ding hen thlan suak hen hamh tak hen rian na ṭuan ding asi. Valei thawk hen siam na si le, valei lîlâ ah na chang nawlh lai,” a ti.

GENESIS 47:9

Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti.

GENESIS 49:30

Makpela pûk ah Hit mi Ephron phâisen ah ka pa tla sinah hawng ka vûi bâk u, Abraham nih phûmnâk ding hen chu phâisen leh pûk chu Ephron sinah a châwk mi asi.

GENESIS 50:13

a ruak chu Kanaan ram ah an kalpi le, Abraham nih vûinâk ding ah Hit mi Ephron sin thawk hen a châwk mi Mamre saklei ah phâisen ah mi Makpela pûk ah an vûi rawh.

1 CHRONICLES 29:15

LALPA, hawng kan thlâktu hâwi hen kan damsung ni zawzawng hi khualtlâwng leh saltâng mi hâwi kan si. Kan dam liau ni tla hi dâidul hâwi hen â ṭhial le, kan thih ni ding khawm kan âwl lo.

JOB LASUIBU 30:23

Ka thihnâk ding leikângah, mikip a thi mi tawngpumhnâk ah na ka put ti ka theih.

SAM 119:19

Sâwtlotê hi tual ah hin ka um le; na dân thu chu ka lakah thuh lah.

SAM 39:12

LALPA, ka thlachamnâk hi theih le, ka âu mi hi ngâi; ka ṭap tikah keimah ṭangpi ding hen hawng. Hawng ka thlâktu tla hâwi hen sâwtlotê karah na rangah khual cho kasi.

EXODUS 2:22

fapa an ring. Mosi nih a thinlung hen, “Kei chu ramdang mi hi ram ah um mi kasi,” a ti le, a min ah Gersom a sak.

THUSIMTU 12:5

Mun sâng tak ah um tla na ṭih lai le, kal khawm na rangah ṭihnungkâi asi lai. Na sam tla a pâr lai le; nangmah men zângrah hen na hersân kho lai le, duhnâk zawzawng a vei hep lai rawh. A dawnghnâk ah dinhnâk mun ah kan kal lai rawh le, khualâi dungah mithi ulhnâk a um lai.

THUSIMTU 12:7

Kan taksa tla chu tual mi valei ah â chang lai le, kan nungnâk thaw tla chu hawng kan pêktu Pathian sinah a kîr lai.

THUSIMTU 6:3

Mi nih fa tla zâ nei hen sâwt tak a dam kho, sikhawmsele lâwmnâk zeikhawm nei lo hen a thlâk tla amah vûitu khawm um lo mi chu, fasêm a thi chia hen a suak mi lam ṭha dauh ka ti.

LEVITICUS 25:23

Na mun chu ting pawt ding hen na zuar ding asi lo, nangmah tâ tak asi lo ruangah; Pathian tâ asi, nang chu ramdang mi mang sungtir mi hâwi na si.

THILTI 7:16

Sekem khua ah an zawnh le, Abraham nih Sekem khua ah Hamor fapa tla thawk hen tangka hen a châwk mi thlân lakah an vûi rawh.

THILTI 7:5

Chun, hinah chun zeikhawm mun luah ding, a kê siahnâk tlâk khawm a pêk lo; sikhawmsele, amah leh a nehnûnah a thlâk tla tiang a ro ting ding hen pêk a tiamh le, fa a neih lân khawm ah.

HEBRAI 11:9

Lungnâk hen ram tiamh ah khan mi ram ah châm mi hâwi cho hen a châm ko le, thutiam munkhat hen ro a tingpi ding mi Isak leh Jakob hen puanin ah an um.

1 PETER 2:11

Duhtak le tla, khual leh khualtlâwng mi nan si ruangah thlarau do tâwntu taksa duhnâk tla bângtâk ding hen ka nan ngiar na asi.